Семен Григорьевич Алексеев-Уустарабыс "Дэбириэлдьин Бэргэн" олоҥхо испэктээкилэ төрөөбү... — 10 апреля 2026 г. в 12:23:25.159
Семен Григорьевич Алексеев-Уустарабыс "Дэбириэлдьин Бэргэн" олоҥхо испэктээкилэ төрөөбүт дойдутугар Солоҕон Сынньалаҥ киинигэр турда.Муус устар 8 күнүгэр биир дойдулаахпыт, олоҥхоһут, алгысчыт, тойуксут, норуот ырыаһыта, мас, тимир ууһа Семен Алексеев-Уустарабыс «Дэбириэлдьин Бэргэн» олоҥхо испэктээкилэ дойдутун дьонугар сүрэхтэннэ.Олоҥхо театрын кытта кэскиллээх бырайыакка Духуобунас киинэ-олоҥхо дьиэтэ, Кировскай, Солоҕон, Күөрэлээх, Маҥаны сынньалаҥ кииннэрин специалистара, улуус киинин, Солоҕон нэһилиэгин дьаһалталара, олохтоох талааннаах дьоммут-улахан хамаанда үлэлээтэ. Оруоллары толорбут артыыстарга, үлэлээбит хамаандаҕа көрөөччүлэр испэктээк түмүгэр өр туран ытыс таһынан астыммыттарын, махтаммыттарын биллэрбиттэрэ бу улахан үрдүк сыанабыла, сүдү киһибитигэр сүгүрүйүү, ытыктабыл бэлиэтэ буолла.