Саха өрөспүүбүлүкэтин үтүөлээх этээччитэ, Горнай улууһун духовнай попечителэ, Маҥаны нэ... — 3 апреля 2026 г. в 00:59:22.621
Саха өрөспүүбүлүкэтин үтүөлээх этээччитэ, Горнай улууһун духовнай попечителэ, Маҥаны нэһилиэгин Бочуоттаах олохтооҕо Сивцев Петр Гаврильевич бэйэтин олоҕунан холобур буолар өрөспүүбүлүкэҕэ оһуокайдьыт, норуот уус-уран айымньытын тарҕатааччыта. Быйыл муус устар ыйыгар Петр Гаврильевич Сивцев 80 сааһын бэлиэтиир. Ыам ыйын 25 күнүгэр, оһуохай күнүгэр, Бэрдьигэстээх нэһилиэгэр Петр Гаврильевич 80 сааһыгар анаммыт «Дьэрэкээн тыллардаах, дьиэрэҥкэйдээх үҥкүүлээх үрүҥ күнүм үҥкүүтэ-үйэлэргэ сүппэтин” оһуохай этээччилэргэ аһаҕас өрөспүүбүлүкэтээҕи күрэх ыытыллара былааннанар. Бүгүн бастакы тэрээһин мунньаҕа ыытылынна. Сүбэ-мунньаҕы улуус култуураҕа уонна духуобунай сайдыыга управлениятын салайааччыта Вероника Быганова салайан ыытта. Кыттыыны ыллылар ытык кырдьаҕаспыт Петр Гаврильевич Сивцев, Маҥаны нэһилиэгиттэн баһылык Михаил Текеянов, кулууп директора Ульяна Суханова, нэһилиэк бибилэтиэкэрэ Марфа Текеянова, түмэл үлэһитэ Мария Осипова.