Өспөххө волейбол бырааһынньыга. — 15 марта 2026 г. в 04:30:52.819
Өспөххө волейбол бырааһынньыга. Бэҕэһээ 14.03.26. Өспөх нэһилиэгэр үтүө үгэспит сөргүтүллэн, нэһилиэкпит дьоно-сэргэтэ бастыҥ таптыыр оонньуута, улуустааҕы "Өспөх кубога" волейболга күрэх тэрилиннэ. Уопсайа 4 хамаанда кытынна. Түүлээх, Мындааба, Мүрү уонна Өспөх нэһилиэктэриттэн. Бары астына, дуоһуйа оонньооннор, тыҥааһыннаахтык киирсэннэр кыайыылааҕы быһаардылар. Ол курдук, III миэстэни ыллылар Түүлээх нэһилиэгин хамаандата, хапытаан - Владимир Бочкарев, II миэстэни ыллылар Мүрү нэһилиэгин хамаандата, хапытаан - Максим Гоголев уонна муҥутуур кыайыылаҕынан таҕыста Өспөх нэһилиэгин хамаандата, хапытаан - Владислав Неустроев. Ону таһынан биирдиилээн кыттааччыларга номинациялар уонна бириистэр туттарылыннылар: Лучший связующий - Александр Афанасьев Лучший блокирующий - Геннадий Слепцов Лучший нападающий - Максим Гоголев Лучший либеро - Иван Иванов Лучший игрок - Вадим Винокуров. Ону тэҥэ Өспөх орто оскуолатын аатыттан Ньургуйаана Сыромятникова, тус бэйэлэрин ааттарыттан Иосиф Неустроев уонна Иван Свешников сэргии көрбүт күрэхтэһээччилэргэ анал бириистэрин туттардылар. "Өспөх кубога" волейбол турнирын тэрийбит нэһилиэк дьаһалтатыгар уонна кытта кэлбит бары хамаандаларга, спортсменнарга истиҥ махталбытын биллэрэбит. Күрэх спонсордара РК "РИМ", Егоров Тимофей Тимофеевич, Борисов Ариан уонна Өспөх нэһилиэгин дьаһалтата.