Өрт орто оскуолата – 95! 🎉🏫Бэс ыйын 20 күнүгэр оскуолабыт үбүлүөйүгэр анаммыт Үрүҥ ту... — 23 июня 2026 г. в 08:30:47.370
Өрт орто оскуолата – 95! 🎉🏫Бэс ыйын 20 күнүгэр оскуолабыт үбүлүөйүгэр анаммыт Үрүҥ тунах Ыһыах үрдүк таһымнаахтык ыытылынна. Бу күн Арассыыйаҕа – Сомоҕолоһуу, Саха Өрөспүүбүлүкэтигэр – Култуура, Горнай улууһугар – Доруобуйа, Соргулаах Солоҕон нэһилиэгэр – Тыа хаһаайыстыбата, онтон оскуолабытыгар – 95 сыллаах үбүлүөй бэлиэтэннэ! 🥳Ыһыах саҕаланыыта🌿Үөрүүлээх тэрээһин үбүлүөйдээх выпускниктар парадтарынан саҕаламмыта. Ыһыахпытын Алгыстаан Дуруһаал алгыс сиэрин-туомун толорон, үрүҥ айыылартан көрдөһөн арыйбыта. Манна бары биир тыыннаах, биир санаалаах буолбуппут. ❤️Ытыктабыллаах ыалдьыттар💫💫💫Оскуолабыт үлэһиттэригэр махтал тыллары уонна үрдүк наҕараадалары туттардылар: - Тарасов Алквиад Александрович – Саха Өрөспүүбүлүкэтин Ил Түмэн Судаарыстыбаннай мунньаҕын народнай депутата; - Павлов Ньургун Михайлович – Саха Өрөспүүбүлүкэтин үөрэҕин министрин солбуйааччыта; - Андреев Никита Викторович – Горнай улууһун аҕа баһылыга; - Стручкова Сардана Степановна – Горнай улууһун аҕа баһылыгын солбуйааччыта; - Александрова Александра Павловна – Солоҕон нэһилиэгин тыа сирин баһылыга; - Шишигин Юрий Егорович – С.Н. Донской аатынан идэни үрдэтинэр институт дириэктэрэ; - Сметанина Варвара Ильинична – үөрэх управлениетын салайааччыта. Бары ыалдьыттарбытыгар улахан махтал! 🙏Театрализованнай дьүһүйүү – сэҥээрбиттэр!✨🎭 Оскуолабыт устуоруйатын арыйар театрализованнай дьүһүйүүбүт дьон-сэргэ сэҥээрбитэ, астына-дуоһуйа көрбүтэ. Дьүһүйүүнү Бэрдьигэстээх народнай театрын режиссера, Саха Өрөспүүбүлүкэтин Култууратын туйгуна Елизавета Иевна Мартынова сценарийынан оскуолабыт үөрэнээччилэрэ, учууталлара, үлэһиттэрэ, төрөппүттэрэ кытынналар🎭🎶Оһуохай Сомоҕолоһуу оһуохайын оскуолабыт библиотекара Прасковья Николаевна Тарасова уонна выпускница Тамара Егоровна Ефремова таһаарбыттара. Бииргэ түмсэн, оһуохайы бары ыллыы-туойа, үөрэ-көтө толордубут! 🔥💃Түһүлгэлэр, күрэхтэһиилэр🎉🎉🎉- “Сүрэхпит сылааһын уунабыт” – нэһилиэк, оскуола оҕолорун, төрөппүттэрин кэнсиэрэ; - “Тускулу түстүүр түмэр түһүлгэ” күрэҕэр выпускниктар тэрээһиннээхтик, айымньылаахтык бэлэмнэммиттэр. Дьүүллүүр сүбэ быһаарыытынан: - 🥇 1-кы миэстэ – 1980 сыллаах выпускниктар, - 🥈 2-с миэстэ – 2001 сыллаах выпускниктар, - 🥉 3-с миэстэ – 1979 сыллаах выпускниктар. - “Оһуор дьарҕа тирэҥсэм, саха мааны таҥаһа” – сахалыы таҥас күрэхтэһиитэ сэргэхтик ааспыта. Маанытык, кэрэтик, дьиктитик! ✨ - Хапсаҕай, мас тардыһыы, “Түмсүү күүһэ – кэскил түһэ” эстафета – күүстээх, сүүрүүлээх-көтүүлээх тэрээһиннэр тыҥааһыннаахтык аастылар. Киэһээҥҥи тэрээһиннэр🎉🎉🎉- Раиса Яковлевна Захарова – Солоҕон нэһилиэгин көмүс куоластаах ырыаһыта, оҕо сааһа ааспыт дьиэтигэр өйдөбүнньүк бэлиэни туруордулар. - “Учуутал албан аатын аллеята” – ытыктыыр бэтэрээн учууталларбытыгар аналлаах өйдөбүнньүк бэлиэлэри туруордубут. Тэрээһини оскуолабыт учууталлара Людмила Николаевна уонна Наталья Егоровна иилээн-саҕалаан ыыттылар. Үбүлүөйгэ араас көлүөнэлэр аналлаах көрсүһүүлэрэ, кылаас чаастара ыытыллыннылар: - “50 сылы уҥуордаан” – 9 уонна 11 кылаас үөрэнээччилэрэригэр золотой выпусктар, - “Игра поколений” – 25 сыллаах выпускниктар, - “Үс көлүөнэни ситимниибит” – “Клевер” эдэр учууталлар тэрийбит тэрээһиннэрэ, - “Оҕо сааспытын саныаҕыҥ” – орто саастаах көлүөнэҕэ, - “Ахтан-санаан ааһыаҕыҥ...” – аҕам саастаах көлүөнэлэргэ. Кылаас чаастара үөрэ-көтө, сүүрэ-көтө, интэриэһинэйдик, тэтимнээхтик аастылар! 🤝🌟Кыраайы үөрэтэр түмэл, экскурсия🌿🌿🌿Оскуолабыт оҕолоро кыраайы үөрэтэр түмэли көрдөрөн, оскуолабыт олоҕун кэпсиир стендэлэри интэриэһинэйдик, тиийимтиэтик кэпсээтилэр. Бу улахан үлэ, оҕолорбут уһуйууларын көрдөрдө. “Вкус детства” – үбүлүөй туорта!🎂Оскуолабыт выпускницата Мария Аркадьевна Павлова сылаас илиитинэн астаабыт “Вкус детства” диэн үбүлүөй туортунан ыалдьыттары күндүлээтибит. Минниьигэс амтаннаах, сүрэхтэн астаммыт туорт буолла!