Бүгүн ахсынньы 13 күнүгэр биһиги педагогпут, Саха Өрөспүүбүлүкэтин үөрэҕириитин туйгуна... — 13 декабря 2025 г. в 06:38:16.377
Бүгүн ахсынньы 13 күнүгэр биһиги педагогпут, Саха Өрөспүүбүлүкэтин үөрэҕириитин туйгуна, Надежда Ивановна Абрамова "Айар аартыгым"диэн айар быыстапката буолла. Быыстапканы арыйыы үөрүүлээх чааһыгар эҕэрдэ тылларын эттилэр: Амма улууһун баһылыгын социальнай боппуруостарга солбуйааччы Николай Александрович Ларионов, Амма улууһун үөрэҕин салалтатын начаалынньыгын иитэр үлэҕэ уонна эбии үөрэхтээһиҥҥэ солбуйааччыта Акулина Семеновна Иванова уонна тэрилтэбит директора Иванна Ивановна Шестакова. Надежда Ивановна биһиги кииммитигэр оҕону уруһуй, иис, оригами кэрэ эйгэтигэр уһуйар дириҥ опыттаах педагог. Кини 1998 сыллаахтан эбии үөрэхтээһин эйгэтигэр үлэтин саҕалаабыта. Ол кэмтэн күн бүгүҥҥэ диэри таһаарыылаахтык үлэлии хамсыы сылдьар. Үөрэтэр оҕолоро араас таһымнаах уруһуй күрэхтэригэр, олимпиадаларыгар, декоративнай - прикладной быыстапкаларга ситиһиилээхтик кытталлар. Надежда Ивановна хас биирдии үөрэнээччитин дьоҕурун кэтээн көрөн, сылыктаан, талаанын арыйар. Надежда Ивановна дэгиттэр талааннаах киһи. Оҕо эрдэҕиттэн үҥкүүлүүр, уруһуйдуур, иистэнэр, дьарыктаах. Сөбүлүүр дьарыктара олоҕун айар аартыктарын арыйбыттара. "Айар аартыгым" быыстапкаҕа көрөөччү биһирэбилигэр тус бэйэтин хартыыналарын айылҕа араас көстүүлэрин, чугас доҕотторун,дьиэ кэргэнин, Амма биллэр дьонун, Ил Дархан Айсен Сергеевич Николаев мэтириэттэрин уруһуйдаан туруорда. Кэлбит ыалдьыттар бары Надежда Ивановна ураты буочардаах, туспа көрүүлээх уруһуйдьут педагог буоларын бэлиэтээтилэр.