👏 “Кэнчээрилэри” Россиятааҕы күрэс финалыгар ыҥырдылар — 7 июля 2026 г. в 12:40:07.069
👏 “Кэнчээрилэри” Россиятааҕы күрэс финалыгар ыҥырдылар Күн бэҕэһээ Россия үтүөлээх образцовай кэлэктиибэ – “Кэнчээри” оҕо народнай ансаамбылын хора оскуолатааҕы хордар Бүтүн Россиятааҕы “Россия оҕолоро ыллыыллар” VIII фестивалга Уһук Илиҥҥи региоҥҥа кыайыылааҕынан ааттаммытын туһунан үтүө иһитиннэрии кэллэ. Онон Бүтүн Россиятааҕы хоровой уопсастыба Бэрэссэдээтэлэ Павел Пожигайло Ил Дархан Айсен Николаевка аадырыстаан ыыппыт суругар ансаамбыл быйыл күһүн балаҕан ыйын 3-13 күннэригэр Кострома куоракка быйыл ахсыс төгүлүн ыытыллар “Россия оҕолоро ыллыыллар” фестиваль финалыгар ыҥырыллыбытын, кэлэктиип 10 күн устата олорор уонна аһыыр төлөбүрдэрин куонкуруһу тэрийээччилэр уйуналларын иһитиннэрдэ. Фестиваль финалын кыттыылаахтарын “Красная горка”, “Синие дали” сынньалаҥ уонна чэбдигирдэр лааҕырдарга түһэриэхтэрэ, куонкурус Костроматааҕы государственнай филаромонияҕа балаҕан ыйын 4 күнүгэр буолуоҕа, ол кэнниттэн гала-кэнсиэр балаҕан ыйын 12 күнүгэр уобаластааҕы “Губернскай” кэнсиэрдиир-быыстапкалыыр саалаҕа тэриллиэҕэ. Үйэ аҥаарыттан ордук кэм устата улууспутун, Сахабыт сирин Россия, аан дойду таһымыгар ааттатан кэлбит ансаамбылбыт салайааччытыгар Василий Степанович Парниковка, кэлэктиип кыттыылаахтарыгар эҕэрдэ, махтал буоллун! Барыта санаа хоту табыллан, быйыл күһүн оҕолорбут Россиятааҕы финалга тиийэн кыттар чиэскэ тигистиннэр! 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia