2026 сыл, от ыйын 14 күнэ — 14 июля 2026 г. в 10:27:21.889
2026 сыл, от ыйын 14 күнэ Көрсүөххэ диэри! . Бүгүн олус сырдык, ону тэҥэ кыратык хомолтолоох күн үүннэ. Биһиги эдэр чинчийээччилэрбитин от күөҕэ хаалтыстара оҕо хараҕын уотуттан өссө ордук чаҕылыйан көстөллөр, оттон сирэйдэригэр сайыҥҥы күн уотунан угуттаммыт мичээрдэрэ сылааһынан сыдьаайаллар. Бүгүн биһиги «Эколяталар» лааҕырбыт сезонун түмүктүүбүт. Бу күннэр биһиэхэ сүүһүнэн чаҕылхай өҥнөөх хартыына курдук буолан хатанан хааллылар: -Лупа нөҥүө болҕомтолоохтук одуулаабыт ньургуһун сибэккилэргитигэр баар сарсыардааҥҥы сөрүүн сиик таммахтарыттан; - Аһаҕас салгыҥҥа оонньуур кэмҥитигэр кутуллубут чаҕаан күлсүүттэн; - Эдэр натуралистар наука бастакы арыйыыларын керсер тохтобулларыгар болҕомтолоох чуумпуттан; - Хонуу отун дыргыл сытын уонна тыа үрүйэтин сөрүүн салгынын минньигэс ахтылҕаныттан. Эһиги манна боростуой оҕолор буолан кэлбит буоллаххытына, бардаххытына дьиҥнээх Эколяталар — доҕордуу, хорсун, эппиэтинэстээх айылҕа көмүскээччилэрэ буолан бараҕыт. Эһиги биир лыык сибэккигэ кэрэни булан көрөргө, тыа музыкатын истэргэ, көтөрдөр тылларын өйдүүргэ, ханнык баҕарар кырачаан үөҥҥэ кыһалларга үөрэннигит. Эһиги биһиги планетабыт инники кэскилэ саамай эрэллээх илиигэ баарын — эһиэнэ буоларын итэҕэттигит! Ол эрэн бүгүн биһиги саамай махталбыт тыллара эһиэхэ, күндү төрөппүттэрбитигэр, ананар! Итэҕэлгит иһин махтанабыт. Бэйэҕит саамай күндү баайгытын — оҕоҕутун — биһиэхэ итэҕэйэн туттарбыккыт — бу сүҥкэн хардыы, онуоха биһиги муҥура суох махталлаахпыт. Оҕолоргут билиигэ тардыһыылаах, аһаҕас уонна амарах санаалаах буола улааппыттара — бу эһиги тапталгыт, тулуургут уонна муударайгыт туоһута. Кини ситиһиилэрэ — эһиги үйэлээх сыраҕыт, өйөбүлгүт көстүүтэ. Күндү о5олорбут! Саамай сүрүнүн — бу сайыҥҥы кэм кыымын сүрэххитигэр, бөҕө доҕордоһууну уонна тулалыыр эйгэ кэрэтин, нарыннын өйдөөн хаалыҥ. Бу эйгэ кэбирэх, кэрэ, онон кинини харыстыахха наада. Хараххытыгар куруук чинчийэр, билэ-көрө сатыыр уот чаҕылыйа сырыттын! Айылҕаны харыстааҥ, оччоҕо кини эмиэ эһиэхэ махтаныаҕа. Биһиги эһиэхэ эрэнэбит! Бу сезоҥҥа биһиги ымыы оҥостубут девизпитин умнумаҥ: 🌿 Оҕолорго — бастыҥы! Ыраас планета эмиэ — кинилэргэ. 🌿