2026с. ыам ыйын 6 күнүгэр, сылын аайы ыытыллар араас жанрдаах, норуоттар икки ардылары... — 7 мая 2026 г. в 09:34:59.828
2026с. ыам ыйын 6 күнүгэр, сылын аайы ыытыллар араас жанрдаах, норуоттар икки ардыларынааҕы "Terra Berlinica" фестиваль-конкурс (Берлин, Германия) буолан ааста. Тэрийээччи "Солнечный круг". Хаҥалас улууһун Улахан-Аан нэһилиэгиттэн "Аан-Аартык" култуура киинин иһинэн (директор Горохов Замир Максимович) "ААРТЫК" хор кыттыыны ылан, 3-с степеннээх ЛАУРЕАТ буолла. Хору салайдылар: СР үөрэҕириитин туйгуна, нэһилиэк бочуоттаах олохтооҕо, мелодист Николай Семенович Семенов, "Аан-Аартык" култуура киинин уус-уран салайааччыта Соломонова Марина Григорьевна, звукооператор Черемкин Евгений Иннокентьевич. Бастакы ырыа "Улахан-Ан", Г.Борисов тыла, Н.Семенов матыыба. Иккис ырыа "Малдьаҕар сиэннэрэ Бөртөлөр буолабыт", И.Кононов тыла, Н.Семенов матыыба. Манна кыттыыны ыллылар тыа сирин 2-с Малдьаҕар нэһилиэгин олохтоохторо, активистара уонна "Көмүлүөк", "Күбэйэ" фольклорнай ансамбыллар. Түгэнинэн туһанан, "Аан-Аартык" култуура киинин аатыттан, кыттыыны ылбыт, "Аартык" хор кыттыылаахтарыгар улахан махталбытын тиэрдэбит!