"Ай-Тут" сайыҥҥы оҕо площадкатын бэһис күнэ! — 12 июля 2026 г. в 02:54:58.092
"Ай-Тут" сайыҥҥы оҕо площадкатын бэһис күнэ! А.М.Сидорова аат. “Ситим” КК уонна Р.К.Захаров аат.”Самыртай”музей комплекс тэрийэн “Ай-Тут” оҕо площадкатыгар сайыҥҥы сынньалаҥын быйыл үһүс сылын үлэлээтэ. 10 оҕо кэлэн дьарыктанар, сынньанар, билиитин-көрүүтүн хаҥатар. Биэс күн устата араас хайысханан оҕолорго олус интириэһинэй дьарыктар буоллулар. Маҥнайгы күн билсиһии, оҕолору түмэр оонньуулары педагог-психолог Анна Валерьевна Киприянова олус диэн сэргэх оонньуулары ыытан оҕолор тута билсэн, кэпсэтэн икки хамаандаҕа арахсан күрэхтэстилэр уонна минньигэстик аһаан эбиэттээн тарҕастылар. Иккис күн Дьокуускайдааҕы художестественнай колледж 2 курсун студентката Асель Александрова мастер кылаас ыытта. Хас биирдии оҕо тус бэйэтигэр туой буорунан брелок киэргэл оҥоһуннулар. Онтон Алексей Михайлович Николаев күөх халлааҥҥа дрон көтүтэн, ачыкы нөҥүө кыырайа көтөн астыннылар. Үһүс күн “Төрүт ас уонна өбүгэ оонньуута” диэн Р.К.Захаров аат. “Самыртай” түмэлигэр экскурсиянан саҕаланна, оҕолор олус диэн сэҥээрэн иһиттилэр-сэҥээрдилэр, таҥара дьиэтигэр тахсан куолакал тыаһаттылар. Өбүгэ оонньуутун хабылык-хаамыска, кириэс тэбии, тобук тардыһыыта, ойбонтон уулааһын, мас тардыһан күрэхтэстилэр. Эбиэккэ саха төрүт аһын амсайдылар. Төрдүс күн өҥүрүк куйаас диэбэккэ сарсыардаттан үрэх төрдүгэр киирэн балыктаан астыннылар. Бэһис түмүктүүр күн Ситим КК уруһуйдаан, ыллаан, үҥкүүлээн, хаартыскаҕа түһэн, видео уһуллан түмүктээтибит. Эһиил, хайаан да кэлиэхпит диэн. Минньигэс кэһилээх астынан тарҕастылар. Сыл ахсын ыытыллар «Ай-Тут” оҕо площадкатыгар оҕолор саҥаны билэн-көрөн астынан бараллар.