❇️РУБРИКА: СТРАНИЧКА АДМИНИСТРАТОРА — 26 мая 2026 г. в 01:54:48.105
❇️РУБРИКА: СТРАНИЧКА АДМИНИСТРАТОРА Ыам ыйын 23 кунугэр сынньалан паркатыгар Афанасий Осипов аатынан Бэрдьигэстээх орто оскуолата тэрийбит «Кэлэр кэнчээри ыччакка күн сыдьаайын бэлэхтиэх!» дьиэ кэргэн форума урдук таhымнаахтык буолан ааста. Үөрэх дьылын түмүктүү, самаан сайыҥҥа үктэнэр, истиҥ кэпсэтиилээх, байаан доҕуһуоллаах, хамсаныы аргыстаах киэҥ түһүлгэҕэ айылҕалыын алтыһа, арчылана элбэх ого-аймах, тереппут, учууталлар, ынырыылаах ыалдьыттар сарсыардаттан муhуннулар. Форум Саха тылын сайыннарыы концепцията 35 сылыгар , республикабытыгар культура сылыгар, улууспутугар доруобуйа сылыгар ананан киэн тэрээhиннээхтик ааста. Ол курдук программага: 1 түһүмэх «Күн суолун батыһыах!» -Күөххэ үктэнии, арчыланыы сиэрэ–туома; -Кымыс иһиитэ; 2 түһүмэх «Күнү кытта аргыстас» -«Ойор –тэбэр оҕо саас, ыллыыр –туойар эдэр саас!» эҕэрдэ кэнсиэр; -«Саха буолан сандаарыах, киһи буолан килбэйиэх!» сахалыы танас көрүүтэ; - Оһуохай 3 түһүмэх «Күн сылаас сыдьаайа…» «Ырыа-дууһа үөрүүтэ, хамсаныы олох -төрдө» (Эрчимнээх үҥкүү, баянынан ырыа) -Чэгиэн турук эйгэтэ“Доруобуйаҥ -бэйэҥ илиигэр” (эмчиттэр сүбэлэрэ, доруобуйаны көрүнүү ньымалара) -Айар-тутар эйгэ“Саха сатаабатаҕа суох”(маастар-кылаастар, иис-уус кистэлэҥнэрэ) -Тулалыыр эйгэ “Саха киһитэ-айылҕа оҕото” (айылҕа бэлэҕиттэн маастар-кылаастар, оҕуруотчуттар сүбэлэрэ, рассада атыыта) -Ойуулуур-дьүһүннүүр эйгэ«Айгыр-силик айылҕа абылаҥа»(аһаҕас халлаан анныгар уруһуйдааһын) 4 түһүмэх «Айыы оҕолоро-күн бытархайдара» -Оҕолорго аналлаах аралдьытар былаһаакка (8-11 кыл.) -Саха төрүт оонньуулара (2-7 кыл.) -Салгын тайааратын (воздушныйзмей) көтүтүү (2-11 кыл.) Тэрээhин ыалдьыттара: - Ылбаҕай ырыалаах, кэрэ кэпсээннээх Юрий Платонов аатынан Саха Государственнай эстрада театрын артыыһа, Саха Өрөспүүбүлүкэтин култууратын туйгуна Алексей Григорьев –Эрчим. - Оскуолабыт выпускницата - Өрөспүүбүлүкэтээҕи«ТуйаарымаКуо-2011», «Первая Вице Мисс Якутия –2012», «Юная Краса Якутии -2011», Арассыыйатааҕы «Топ 10 Мисс Россия -2017» күрэхтэр кыайыылаахтара Анжелика Васильевна Назарова. Сынньалан паркатын ырыа-тойук, оhуохай, хомус, байаан кэрэ тыастара, оголор уерэр саналара толордо. Тумсуулээх тэрээhини тэрийсибит оскуолабыт тереппуттэрин комитетыгар, салайааччы Аргунова Мотрена Егоровнага, куруук бииргэ улэлэhэр тэрилтэлэрбитигэр: М.Е.Егоров аатынан сынньалан киинин коллективыгар, Киин балыыhа улэhиттэригэр оскуола администрациятын, коллективын аатыттан махталбытын тириэрдэбит, чэгиэн туругу, ситиhиилэри багарабыт!!! https://max.ru/id1411004557_gos/AZ5h_d6pUhc