⭐ РУБРИКА КАНАЛА:
⭐ РУБРИКА КАНАЛА: ОРЛЯТА РОССИИ Үгэс буолбут, сыллата ыытыллар, биир дойдулаахпыт, төрөөбүт түөлбэбит киэн туттар киһитэ, норуот бэйиэтэ, сахалыы тыл кэрэтин арыйбыт Семен Петрович Данилов айымньыларынан ырыа, хоһоон күрэҕэ быйыл бэйиэт 109 сааһын көрсө алын кылаас о5олоругар ыытылынна. Күрэххэ 20 о5о кыттыыны ыллылар. Бу олус үчүгэй, суолталаах тэрээһин оҕолору төрөөбүт тылларыгар, саха литературатыгар угуйар. Алын кылаас оҕолоро Семен Петрович хоһооннорун, айымньыларын иэйиилээхтик ааҕыылара кэскилбит сайдар, тылбыт баайа салгыы олорорун туоһулуур. Күрэхпит сыала-соруга – бэйиэт тылын сүрэхпитигэр иҥэрии, кини айымньытын нөҥүө айылҕаны, дьону, төрөөбүт дойдуну таптааһыҥҥа иитиллии. Күрэхпит кыайыылаахтарынан ааттаннылар: 3 а кылаас ааҕар бөлөҕө, салайааччы А. Е. Васильева, Софронеев Максим 4 б кылаас үөрэнээччитэ, салайааччы Л. И. Дьяконова, Соркомов Сандал, 3 а кылаас үөрэнээччитэ, салайааччы А. Е. Васильева. Маны таһынан күрэх 1 истиэпэннээх дипломунан наҕараадаланна Мордосова Амира , 4 а кылаас, салайааччыта С. Г. Сивцева, 2 истиэпэннээх диплом Старостин Айаал, 2 а кылаас, салайааччы А. А. Алексеева, 3 истиэпэннээх диплом Старостина Айыллаана, 1 а кылаас, салайааччы С. В. Старостина. Атын кыттааччылар диплом уонна минньигэс бириис ылан үөрдүлэр-көттүлэр. Кыайыылаах о5олор оскуолабыт чиэһин улуустааҕы Даниловскай ааҕыыларга көмүскүөхтэрэ. Семен Петрович Данилов сырдык тыына биһигини өрүү арчылыы туруоҕа, оҕолорбут кини курдук хоһоонноох, дьоһун санаалаах дьон буолан тахсыахтара диэн эрэнэбит.