Ыам ыйын 7 күнүгэр «Махтанабыт, ытыктыыбыт, сүгүрүйэбит!» диэн Кыайыы күнүгэр аналлаах ... — 8 мая 2026 г. в 05:59:05.236

Ыам ыйын 7 күнүгэр «Махтанабыт, ытыктыыбыт, сүгүрүйэбит!» диэн Кыайыы күнүгэр аналлаах хоһоону бөлөҕүнэн ааҕыы күрэҕэр барыта 9 бөлөх кыттыыны ылла: «Кыымчаан» оҕо уһуйаанын улахан бөлөх оҕолоро иитээччилэрин кытары, 3, 4, 7, 8, 10 кылаас оҕолоро учууталларын кытары уонна Тырахиновтар дьиэ-кэргэн. Дьүүллүүр сүбэҕэ үлэлээтилэр нэһилиэкпит айар куттаахтара - Захарова Яна Васильевна, Комиссарова Валентина Иннокентьевна, Ефремова Антонина Петровна.  Тэрээһини ырыанан киэргэттилэр П.П. Колодезников аатынан оҕо ускуустубатын оскуолатын вокал кылааһын үөрэнээччилэрэ Саввин Эрчим «Мин мантан сэриигэ барбытым», Тарабукина София «Герой Попов туһунан ырыа», Филатов Айсен «Эйэ, дьол иһин», салайааччылара Комиссарова Азию Юрьевна.  Күрэххэ бастакы миэстэни  Ян Сашин «Шляпный магазин» хоһоонун ааҕан 10 кылаас үөрэнээччилэрэ Захаров Толя, Софронова Айыына уонна учууталлара Птицына Татьяна Семеновна, Неймохова Татьяна Петровна ыллылар. Иккис миэстэни  Сайыына Харчасова «Махтал ветеран эһээлэргэ» хоһоонун ааҕан  Тырахиновтар дьиэ-кэргэн ыллылар. Үһүс миэстэни Расул Гамзатов «Саллаат сүрэҕэ» хоһоонун ааҕан 4 кылаас үөрэнээччилэрэ Кривошапкин Дьулусхан, Колодезников Айаан, Макридин Артем уонна учууталлара Захарова Татьяна Прокопьевна ыллылар.   Бары кыттыбыт дьоммутугар дириҥ махталбытын биллэрэбит!