Төҥүлү орто оскуолатыгар агротехнологическай хайысхалаах кылаас арылынна. — 16 сентября 2026 г. в 07:20:00.642
Төҥүлү орто оскуолатыгар агротехнологическай хайысхалаах кылаас арылынна. Бүгүн, балаҕан ыйын 16 күнүгэр, Алексей Сидорович Шахурдин аатынан Төҥүлү орто оскуолатыгар «АПК кадрдара» федеральнай бырайыак чэрчитинэн үүнээйи генетикатын уонна селекциятын үөрэтиигэ туһуламмыт агротехнологическай хайысхалаах анал кылаас арыллыытын үөрүүлээх тэрээһинэ буолла. Кэскиллээх бырайыак сайдар сүрүн тускулунан идэҕэ туҺаайыылаах үлэни, саҥа технологиялары киллэрэн үлэлэтиини, тыа сирин сайыннарар саҥа кэм ирдэбилигэр эппиэттиир кадрдары иитэн таһаарыыны ааттыыбыт. Агротехнология хайысхалаах кылаас сүрүн социальнай партнердарынан Таисия Васильевна Десяткина салайааччылаах «Тумул»СХПК, Иван Ильич Максимов салайааччылаах "ХОТУ" СППК тэрилтэлэрэ буолаллар. Үөрүүлээх тэрээһиҥҥэ мустубут ыалдьыттарбытынан Төҥүлү нэһилиэгин тыа сирин түөлбэтин баһылыга Петр Васильевич Эверстов, Саха Өрөспүүбүлүкэтин тыатын хаһаайыстыбатын министиэристибэтин миниистирин эбээһинэһин толорооччу Анна Александровна Стручкова, Саха Өрөспүүбүлүкэтин үөрэх сайдыытын уонна таһымы үрдэтии үөрэҕэриитин бэрэстэбиитэлэ Надежда Васильевна Уарова, Мэҥэ Хаҥалас улууһун баһылыгын солбуйааччыта Гаврил Николаевич Толстяков, Мэҥэ Хаҥалас улууһун үөрэҕириигэ салалтатын салайааччыта Ирина Михайловна Плотникова эҕэрдэлээтилэр. Төҥүлү оскуолатын оҕолоро сонун хайысханы, саҥа сүүрээни сайыннарарга, дьаныһан туран үлэлэһэргэ бэлэмнэрин биллэрэллэр. Матырыйаалы бэлэмнээтилэр: Баишева А.Н., Борисова А.В. А.С. Шахурдин аатынан Төҥүлү орто оскуолата.