«Steam ньыматын туһанан робототехникаҕа күрэхтэһиилэргэ бэлэмнэнии» семинар-практикум
«Steam ньыматын туһанан робототехникаҕа күрэхтэһиилэргэ бэлэмнэнии» семинар-практикум 🔷Майатааҕы «Кэнчээри» оҕону сайыннарар киин, улууска стем үөрэхтээһиҥҥэ тирэх уһуйаан буолар. Сыллааҕы үлэ былаанын чэрчитинэн бүгүн, алтынньы 1️⃣4️⃣күнүгэр, «Steam ньыматын туһанан робототехникаҕа күрэхтэһиилэргэ бэлэмнэнии» диэн тиэмэлээх улустааҕы семинар-практикум📝ыытылынна. Улуус уһуйааннарыттан 14 иитээччи кэлэн инженернай, техническай хайысхаҕа билиилэрин хаҥаттылар. 🔶Семинары улуустааҕы үөрэх салалтатын оскуола иннинээҕи үөрэхтээһин салаатын начальнига Ларионова М.Н. киирии тылынан аста. Кини инженернай, техническай хайысха билиҥҥи кэмҥэ оҕо сайдыытыгар уһулуччу суолтатын ыйда, улуус уһуйааннарын бу хайысхаҕа үлэлэһэллэригэр ыҥырда. 🔷Күн бастакы аҥаарыгар чемпионаттар тустарынан уһуйаан иитээччилэрэ: Дьяконова Ф.М. бүтүн Арассыыйатааҕы «Заниматика» математикаҕа олимпианы; Оконешникова О.Д., Бурцева Л.В.,“Лига открытий” уонна Катаева М.И. «Лига знаний», «Деталька» аан дойдутааҕы робототехникаҕа чемпионаттар тустарынан кэпсээтилэр, үөрэттилэр. Ыытааччылар күрэххэ ирдэнэр, сыаналанар критерийдэри биирдии түһүмэҕинэн өйдөнүмтүө гына ырытан, кэпсээн, быһааран биэрдилэр. Семинары салайан ыыппыт Мария Ивановна балаҕан ыйын 10-13 күннэригэр, өрөспүүбүлүкэттэн 5 киһи састааптаах, Красноярскай куоракка курска үөрэнэн кэлбит билиитин үллэһиннэ. 🔶Күн иккис аҥаарыгар иитээччилэр күрэххэ туттуллар конструктардары бэйэлэрэ тутан-хабан, араас механизмнары оҥорон, хамсатан көрдүлэр. Семинар кыттыылаахтара уһуйаан үлэтин уопутун сэҥээрдилэр, чемпионаттар оҕо сайдыытыгар туһалааҕын бэлиэтээтилэр. Бу ылбыт билиилэрин бэйэлэрин үлэлэригэр туһуныахтара диэн эрэнэбит.