Ассаламу Iалайкум, Хьомсара воккхахволу ВАША, Мехк-Да, Россин Турпалхо Ахьмад-Хьаьжин Р... — 25 апреля 2026 г. в 10:44:39.111
Ассаламу Iалайкум, Хьомсара воккхахволу ВАША, Мехк-Да, Россин Турпалхо Ахьмад-Хьаьжин Рамзан, лераме нохчийн къам! ⠀ Сайн цIарах а, Соьлжа-ГIалин Мэрин массо белхалочун цIарах а даггара декъалдо ас шу Нохчийн меттан Денца! ⠀ Дуьненчохь уггаре хьалдолуш, хаза, исбаьхьа бу нохчийн мотт. Ненан маттахь къамел до вай берашца, оцу маттахь Iамадо дайн сийлахь Iадаташ, оьзда гIиллакхаш, йовзуьйту дуьненан хазалла, исбаьхьалла. Цундела дезачу дийно декхаре до ненан меттан хазна ларйарехь кхин а чIогIа къахьега, хIунда аьлча, мотт - къоман коьрта билгало йолу дела. ⠀ Вайн Хьалхарчу Президента, Россин Турпалхочо Iабдулхьамидан Ахьмад-Хьаьжас (Дала гlазот къобалдойла цуьнан!) шен хеннахь тIе тидам а бахийтина, билгалдаьккхира вай нохчийн маттана мелла а херадовлуш хилар а, шен бийца мотт боцу къам исторехь дайна дIадолуш хилар а. 💬 «Нохчийн къам дийна хиларан мокхазан чIагIо йу ненан мотт» - тӀулга тӀе йаздина йоза санна, нохчийн иэсан тептар тӀе дӀайаздина ду Нохчийн Республикин хьалхарчу Президентан Iабдулхьамидан Ахьмад-Хьаьжин дешнаш. ⠀ Масех шо хьалха Нохчийн Республикин Куьйгалхочо, Россин Турпалхочо Ахьмад-Хьаьжин Рамзана и де билгалдоккхуш шен омрица чIагIдина. Тахана цунна тергонца мелла а кхиамца дIахьош бу нохчийн мотт кхиорехь беш болу болх. ⠀ Вайн махкана, къомана, Делан къинхетамца даьллачу беркатех цхьа беркат ду «Нохчийн меттан де» даздеш хилар, кхин дIа а мотт ларбеш, хазбеш, цуьнан сий деш хилар а. ⠀ Лераме махкахой, кхин цкъа а даггара декъалдо аса шу Нохчийн меттан Денца! Дала вайн мотт кхин дIа а ларбарехь аьтто беш, Iалашдойла нохчийн къам, нохчийн мотт а. Дала тIаьхье беркате йойла вайн! Ларамца, Соьлжа-ГIалин Мэр Шахмомедан Хас-Мохьмад