“Yordam bering, meni urushga olib ketishyapti” — 10 июня 2026 г. в 16:00:05.147
“Yordam bering, meni urushga olib ketishyapti” Olti yildan buyon Rossiya federatsiyasida ishlayotgan andijonlik 31 yoshli Ibrohimjon Abduhalilov tahririyatimizga murojaat qilib, yaqin kunlarda urushga olib ketilishi mumkinligi sababli yordam so‘radi. Anglab-anglamay harbiy shartnomaga imzo qo‘ygan vatandoshimiz bu ishidan afsusda ekanini aytmoqda. Chitada ishlayotgan Ibrohimjon bilan bog‘lanib, voqea tafsilotlari haqida so‘radik. Muhojirning aytishicha, 6 yildan buyon hujjatsiz ishlab kelgan va bir oy muqaddam reyd chog‘ida ularni ishxonasi(kafe)dan bo‘linmaga olib ketishgan. “Menga 40 ming rubl jarima yozdi va deportatsiya qilinishim haqida aytishdi. Keyin urushda qatnashish uchun shartnoma, buning evaziga pul hamda fuqarolik taklif qildi. Men baribir qamoqda urushga majburlab olib ketadi, deb o‘ylab, shartnomaga imzo chekdim. Hozir esa bundan qattiq afsusdaman. Oilada yolg‘iz o‘g‘ilman. Bormoqchi emasman. Ularga ham aytdim. Lekin ular endi kech, deb aytishdi. Iltimos, yordam beringlar”, dedi Ibrohimjon Abduhalilov To'liq video Migrant.uz Youtube, VK va Rutube kanallarida 📱 Youtube - https://youtu.be/fjiaxb1RoNM 📱 Vkontakte - https://vkvideo.ru/video-146921395_456241472 💙 Rutube - https://rutube.ru/video/private/91888b880445685ac6aa9e4c4c911ca3/?p=s3MMihENDnjnbemWVRfMCQ MAX'ga a'zo bo'lish uchun 👇 https://max.ru/migrantuz 🌐 VIP Migrant bilan chegarasiz internetga ulaning!