💐Тыва дыл хүнү-биле!
💐Тыва дыл хүнү-биле! Тыва чоннуң үнелиг эртинези болган төрээн тыва дылды сайзырадыр, байлакшыдар, камгалап-кадагалаар, деткиир болгаш чугаа культуразын бедидер сорулга-биле ноябрь 1-де Тыва дыл хүнүн тургузар дугайында эгелекчи саналды Улустуң чогаалчызы, хүндүлүг шүлүкчү Александр Александрович Даржай киирген. 2016 чылдан тура ук байырлалды чылдың-на эрттирип турар бис. Тыва Республиканың культура яамызынын мурнундан силер бүгүдүге Тыва дылывыстың хүнү-биле изиг байырны чедирдивис! Бо кайгамчык чараш болгаш ханы уткалыг Төрээн ие дылывыстың байырлалывыс-биле бөмбүрзээвистиң кайы-даа булуңунда чурттап чоруур тыва чонувуска бедик хей-аътты, сүлде-сүзүктү, өөрүшкү-маңнайны, кадыкшылды болгаш аас-кежикти күзеп, чорууңар бүдүнгүр болзун деп йөрээдивис! Курай-Курай! Хүндүлүг тыва чонувус, тыва дылывысты үнелеп, камнап, камгалап чоруулуңар.Тыва дыл барда, тыва нация бар. Тыва дылывыс хүнү-биле!