🇷🇺 Берт-Даг школазының өөреникчилери «Зарница 2.0» шериг-патриотчу оюннуң түңнел чада... — 3 сентября 2026 г. в 09:50:01.490
🇷🇺 Берт-Даг школазының өөреникчилери «Зарница 2.0» шериг-патриотчу оюннуң түңнел чадазында киржип турар Берт-Даг школазының өөреникчилери бо хүннерде Волгоград хоорайда «Зарница 2.0» шериг-патриотчу оюннуң түңнел чадазында киржип турарын республиканың немелде өөредилге сайзырадыр төвү дыңнаткан. Бүгү-российжи «Зарница 2.0» шериг-патриотчу оюннуң түңнел чадазы Волгоград хоорайга август 22-ден сентябрь 7-ге чедир эртерин сагындыраал. Чурттуң 96 шыырак дээн отрядтарының аразында Тываның «Воины 17» командазы бар. Тес-Хем кожууннуң Берт-Даг суурундан школачылар регионалдыг чадага тиилээш, республиканы бүгү-российжи түңнел оюнга төлээлээр эргени чаалап алганнар. Отрядтарны чижеглээн армияларга чарган:«Волга», «Амур», «Кама», «Обь». Тываның отряды «Амур» армияның составынче кирген. Дүүн Тываның отряды база бир нарын шенелдени эрткен: 10-20 км дистанцияга дайынчы дериг-херексели-биле маңнаар. Маргылдааны херек кырында дайынчы байдалга чоок кылдыр тургускан. 🗯 «Дүүн 10 км-ге марш-бросокту эрттивис. Тус черниң агаар-бойдузу, рельеви, маргылдааның темпизи биске өске-даа болза, шенелдени шыдажып эртер бис» - деп, «Воины17» отрядтың шериг корреспондентизи Айгула Шыдарай дамчыткан. Шериг-патриотчу оюннуң түңнел демисели сентябрь 5-те болур. #зарница #воины17 #движениепервых17 #рцрдо