Бодунуң мергежилиниң тергиини
Бодунуң мергежилиниң тергиини Баазан Мира Борисовна 1988 чылдың ноябрь 1-де Улуг-Хем кожууннуң Арыскан суурунга төрүттүнген. 2005 чылда Шагаан-Арыг хоорайның гимназиязын дооскан. Тываның күрүне университединиң “Тыва дыл болгаш эге класстар башкызы” деп мергежилин чедип алган. 🧸2016 чылдан эгелеп Кызылдын 10 дугаарлыг уруглар садынга кижизидикчи башкы болгаш улуг кижизидикчи башкы кылдыр ажылдап эгелээн. 2019 чылдан амгы үеге чедир Кызыл хоорайның 1 дугаарлыг “Золотой ключик” аттыг уруглар садында үре-түңнелдиг ажылдап чоруур. Кызыл хоорайның өөредилге департаментизиден, өөредилгениң проф.эвилелинден, Тыва Республиканың Дээди Хуралындан шаңнал-макталдарны алган. 💭 «Бичиимден тура башкы болур мен деп билир турган мен. Чүге дээрге, чажымдан үлегер болган дагдыныкчым - авам, Айлаңмаа Кыргысовна. Бүгү назынында, амга дээр башкылап чоруур. Бо хүннерде Шагаан-Арыг хоорайның гимназиязында дээди эртемниг орус дыл болгаш чогаал башкызы болуп, бодунуң билиглери-биле үлежип, аныяк башкыларны өөредип ажылдап чоруур. Авамның өөредип кижизиткен ажы-төлү, улуг-даа апаргаш, четтиргенин илередип чоруурун көрүп чор мен» деп. Баазан Мира демдеглеп турар. Ынчангаш авазының өөредилге шугумунда бердинип ажылдап чоруурун көргеш, келир үениң салгалдары-биле ажылдаар күзели дам-на оттуп, хүн бүрүде ынакшылын бичии чаштарда сөңнеп чоруур. “Ажы-тол бистиң келир үевис!” деп кыйгы-биле, Баазан Мира башкы ажыл-ижин улуг сонуургал-биле күүседип чоруур.