Мөөрейниң ажыдыышкыны болгаш шылгалдалыг кезээ эгелээн
Мөөрейниң ажыдыышкыны болгаш шылгалдалыг кезээ эгелээн Национал школа хөгжүдер институттуң тургустунганындан бээр 20 чыл оюнунга уткуштур эртип турар «Тергиин тыва дыл башкызы» деп мөөрейге киржири-биле республиканың кожууннарынга шылгарап үнген 17 башкы Кызыл хоорайның 9 дугаарлыг гимназиязында бөгүн чыглып келгеннер. Ооржак Лариса Александровна (Суш ортумак школазы), Хомушку Салзыңмаа Климовна (Ак-Дуруг ортумак школазы), Ондар Сайзаана Бавууевна (Аграрлыг лицей), Пильчеймаа Айлана Орлан-ооловна (Суг-Бажы ортумак школазы), Куулар Айлаңмаа Владимировна (Хандагайты ортумак школазы), Монгуш Алла Монгушевна (Шагаан-Арыг хоорайның 1 дугаар ортумак школазы), Ондар Чойган Суур-ооловна (Ак-Даш ортумак школазы), Нурсат Оюмаа Владимировна (Самагалдай суурнуң 2 дугаар ортумак школазы), Ховалыг Ай-Чечек Александровна (Кызылдың 17 дугаарлыг школазы), Сат Анай-Хаак Конзаевна (Черби школа-интернады), Монгуш Айлана Борбак-ооловна ( Кызыл кожууннуң Т.Б. Куулар аттыг 2 дугаарлыг школазы), Хертек Айлаң Очуровна (Шуй ортумак школазы), Серенмаа Сайлык Доктугуевна (Ак-Тал ортумак школазы), Кужугет Азияна Николаевна (Кызыл-Мажалык суурнуң 2 дугаар школазы), Донгак Уран Ыспан-ооловна (Чыраа-Бажы ортумак школазы), Баажай Мила Кара-ооловна (Мөрен ортумак школазы), Ховалыг Чодураа Адар-ооловна (Мөген-Бүрен ортумак школазы) мөөрейниң «Кичээл» деп шылгалда чадазын эртип эгелээннер. Мөөрейниң эгезин байырлыг шинчиге башкарыкчылар – Национал школа хөгжүдер институттуң директорунуң оралакчызы Чойгана Монгуш база кол эртем ажылдакчызы Аңчы Хомушку ажытканнар. Башкыларның шылгалдаларын жюри кежигүннери Надежда Дарыевна Сувандии, Надежда Каң-ооловна Дун-Куулар, Дадар Донгаковна Мортуй-оол, Елена Мандан-ооловна Куулар, Аңчы Васильевич Хомушку үнелеп, ийи хүннүң дургузунда ажылдаарлар. Мөөрей хүннериниң дургузунда башкылар чүгле боттарының мергежилин сайзырадып, аразында байлак арга-дуржулгазын солчуп турар эвес, а өөреникчилерниң төрээн дылынга сонуургалын бедидип, аңаа ынак болурунга үлүг-хуузун киирип турарлар. Эртен болур мөөрейниң ийиги хүнүнде башкылар «Кичээл», «Мастер-класс» деп шылгалдаларга киришкен түңнелинде, шылгараан башкыларны шаңнаар байырлыг кезээ эртер. #ирнш #ншхи #тергиинтывадылбашкызы #МинобрТыва