Күндү Сахабыт сирин олохтоохторо, чуолаан тыа хаһаайыстыбатын үлэһиттэрэ, агро хайысхал... — 19 мая 2026 г. в 10:02:39.753
Күндү Сахабыт сирин олохтоохторо, чуолаан тыа хаһаайыстыбатын үлэһиттэрэ, агро хайысхалаах оскуолалар үөрэнээччилэрэ, учууталлар, устудьуоннар! Тыа хаһаайыстыбатын салаатын уонна аныгы агро эйгэ туһунан төһө үчүгэйдик билэргин билиэххин баҕараҕын дуо? Россия Тыатын хаһаайыстыбатын министиэристибэтин уонна «Биир ньыгыл Россия» баартыйа көҕүлээһиннэринэн, бу дьыл ыам ыйын 26-30 күннэригэр сүүһүнэн тыһыынча бүтүн республикабыт уонна тас регионнар олохтоохторо тыа хаһаайыстыбатын эйгэтигэр билиилэрин тургутуохтара. Бүтүн Арассыыйатааҕы аграрнай диктант онлайн площадкаҕа ыытыллар, эйиэхэ наада төлөпүөн эбэтэр көмпүүтэр! Аахсыйаҕа кыттыан баҕалаахтар https://агродиктант.рф/ сайтка киирэн эрдэттэн бэлиэтэнэргит ирдэнэр - «Кыттабын» диэн баттыыгыт уонна ыам ыйын 26-30 күннэригэр онлайн тургутугу ааһаҕыт. Хас биирдии кыттааччы Бүтүн Арассыыйатааҕы бырайыакка кыттыы электроннай сэртипикээтин уонна саҥа билиини ылар! Агродиктант — бу бэйэ идэтийии таһымын бэрэбиэркэлээһин уонна тыа хаһаайыстыбатын үлэһитин таһымын үрдэтии, бу салааҕа интэриэһи көбүтүү. Күндү Сахабыт сирин олохтоохторо, ыам ыйын 26-30 күннэригэр агродиктаҥҥа көхтөөх кыттыыны ыларгытын умнумаҥ, эрдэттэн үөһэ этиллибит сайтка киирэн диктаны хайдах суруйуоххутун сөбүн көрөн, бэлиэтэниҥ диэн ыҥырабыт! Тыа хаһаайыстыбатын министиэристибэтэ бар дьону аахсыйаҕа кыттыһарга ыҥырар! Бэйэҕитин тургутуҥ, элбэҕи билиҥ!