ҮЛЭ КИҺИТЭ СТАНИСЛАВ СЕМЁНОВ ДОНЕЦКАЙТАН КЭЛЛЭ — 2 мая 2026 г. в 06:29:37.129
ҮЛЭ КИҺИТЭ СТАНИСЛАВ СЕМЁНОВ ДОНЕЦКАЙТАН КЭЛЛЭ Үлэ киһитэ бириэмийэ хаһаайына Станислав Семёнов бу күннэргэ Донецкайтан кэллэ. Онно кини сэрии кэмигэр урусхалламмыт сирдэри сɵргүтүүгэ үлэлэстэ. Станислав Семёнов - урукку курдук биэс сыллаах былаанынан, пятилетканан олорор, үлэлиир. Бу кэлэр биэс сылга атын дойдулартан үɵрэх-билии ылар баҕатын толордо. Ый аннараа ɵттүгэр бэйэтэ тылланан Докучаевскай куоракка сɵргүтүү үлэтигэр сири оҥорооһуҥҥа кыттыста. Бу манна барыытыгар-кэлиитигэр тумус туттар киһибит Матвей Евсеев кɵмɵ буолла. Сэрии буолан ааспыт сирдэрэ билигин син чɵллɵрүйэн тураллар, ол гынан баран кутталлаах балаһыанньалар синбиир тахсыталыы тураллар. Үлэ киһитэ сɵргүтүү үлэтигэр кыттыһа сылдьан биир дойдулаахтарын кɵрүстэ, олохтоох дьону кытта ыкса билистэ. Ону таһынан Ростов на Дону, Краснодар сирдэригэр тиийэн ыһыы үлэтигэр, удобренияҕа, оҕуруот аһын, бурдугу харайыыга, техникаҕа киэҥ билиини ситистэ. Туксулаана Горохова-Кобельянова, Радомир Сергеев.