ЭДЭР ЫЧЧАТ "ХОТУ" КЭПЭРЭТИИПКЭ — 3 июня 2026 г. в 09:21:31.864
ЭДЭР ЫЧЧАТ "ХОТУ" КЭПЭРЭТИИПКЭ "Хоту" тыа хаһаайыстыбатын кэпэрэтиибэ эдэр исписэлиистэри бэлэмнээһиҥҥэ улахан болҕомтону уурар. Билигин аҕыс устудьуон манна практика ааһа сылдьаллар. Арктикатааҕы судаарыстыбаннай агротехнологическай университеттан кэлбит алта устудьуон үстүү буолан симиэнэнэн үлэлээн, үүт бородууксуйатын оҥорон таһаарыы быраабылаларын уонна саҥа ньымалары баһылыыллар. Төҥүлүтээҕи тыа хаһаайыстыбатын техникумун филиалыттан икки уол эт-ас араас бородууксуйатын оҥорорго үөрэнэллэр. Маннык үлэ эдэр ыччат идэлэрин баһылыылларыгар, кэскиллээх үлэһит буолалларыгар улахан көмө буолар. Ити курдук "Хоту" кэпэрэтиип тыа хаһаайыстыбатын сайдыытыгар бэйэтин кылаатын киллэрэн инники каадырдары блэмнээһиҥҥэ үлэни ыытар. Мэҥэ Хаҥалас улууһун дьаһалтатын пресс-сулууспата