Икки хаһаайыстыба уматык ылла — 14 июля 2026 г. в 02:32:58.126
Икки хаһаайыстыба уматык ылла Ааспыт нэдиэлэҕэ өрөспүүбүлүкэни уматыгынан хааччыйыы боппуруостарынан суһал ыстаап мунньаҕа ыытыллыбыта. Ол мунньах түмүгүнэн от хомууругар тыа хаһаайыстыбатын табаары оҥорооччуларыгар уматыгы-оҕунуоҕу (ГСМ) хааччыйыы биир кэлим бэрээдэгин киллэрэр туһунан быһаарыы ылыныллыбыта. Хаҥалас улууһугар барыллаан ааҕыынан 1 656 туонна дизельнай уматыкка наадыйыы баар диэн улуус дьаһалтатын пресс-сулууспата суруйар. Бу күннэргэ Улахан Аантан икки бөдөҥ хаһаайыстыбата – «Бөртө” Сылгы собуота» ХЭТ уонна «М.В. Павлов” бааһынай хаһаайыстыбата «Туймаада-нефть» хампаанньаттан толуонунан 5-тии туонна сэлээркэни ыллылар, онон тиэхиньикэлэрэ ходуһаҕа таҕыстылар. Бэлиэтээн эттэххэ, «Бөртөлөр” окко былааннара быйыл 2800 туонна. Ону таһынан хаһаайыстыба 1800 туонна сиилэһи, 750 туонна сенаһы бэлэмниир былааннаах. Уйбаан Уйгуурап. Хаартысканы, видеоны Улахан Аантан Ульяна Семенова тиксэрдэ. @gazetahangalas Газета «Хангалас» в МАХ: https://max.ru/join/EMcGjeReldjRsN-wEC3qjk3EM5JlIYb-KMZvwzUmnRM ВКонтакте: https://vk.com/gazetahangalas