🌾✅ “Оройуоҥҥа окко былааммытын толорорго эрэллээхпит…” — 21 июля 2026 г. в 07:16:47.558
🌾✅ “Оройуоҥҥа окко былааммытын толорорго эрэллээхпит…” ⛽️🚜 Быйыл уматыкка хааччахтааһын баар эрээри, анал каартанан хааччаҕа суох куталлар. Отчуттар сайаапка быһыытынан сэлээркэнэн хааччылыннылар. Алаастарга Бөтүрүөп ардаҕын кэннэ от ситэн, лэкээлэр турдулар, субуулар субурустулар, кэбиһиилэр кэккэлэстилэр. 👨🌾 Мэҥэ Хаҥалас улууһугар тыа хаһаайыстыбатын управлениетын кылаабынай агронома Василий Бурнашев улууска от үлэтин хаамыытын туһунан маннык иһитиннэрдэ: 🔸 — Быйылгы сылга оппут былаана‒ 44369 туонна. Бу кыстыкка 16741 ынах сүөһү уонна 15300 сылгы киирэрэ былааннанар. Ааспыт сылга 45320 туоннаны оттоон, оппут былаанын 102 % толорбуппут. 405 туоннанан Өймөкөөн, 500 туоннанан Алдан улуустарын хааччыйбыппыт. Билигин ааспыт сылтан ордубут 1589 туонна кур оттоохпут. Хоту эҥэр нэһилиэктэргэ, алаас сирдэргэ ардах эрдэ үчүгэйдик түспэккэ, быйыл от үүнүүтэ ортоһуор эрэ. Ол да буоллар, быйылгы кыстыкка этэҥҥэ киириэхпит диэн былаанныыбыт. @gazetaerkeii @ulusmedia