🕯️Үлэ, тыыл бэтэрээнэ, “Атамай” сопхуос бастакы директора, Горнай улууһун, Маалтааны, ... — 30 июля 2026 г. в 06:07:09.134
🕯️Үлэ, тыыл бэтэрээнэ, “Атамай” сопхуос бастакы директора, Горнай улууһун, Маалтааны, Кировскай нэһилиэктэрин Бочуоттаах олохтооҕо, Тыа хаһаайыстыбатын, агропромышленнай холбоһук Бочуоттаах үлэһитэ, тыа хаһаайыстыбатын сайдыытыгар улахан кылаатын киллэрбит салайааччы Заровняев Дмитрий Иннокентьевич ыарахан ыарыыттан олохтон туораабытынан чугас аймахтарыгар, билэр дьонугар дириҥ кутурҕаммытын тиэрдэбит.🙏 Дмитрий Иннокентьевич 1972 – 1977 сылларга бастаан тэриллибит “Атамай” сопхуоска директорынан ананан үлэлээбитэ. Сопхуос киинэ Аһымаҕа олохтонон, эдэр эрчимнээх салайааччы кадрдары сүүмэрдээн үлэни тигинэччи тэрийбитэ. Элбэх саҥа тутуулар барбыттара: специалистар олорор дьиэлэрэ, сопхуос хонтуората, техника гаражтара, мастерской, 400 төбө сүөһү турар типовой хотон үлэҕэ киирбиттэрэ, кулууп дьиэтин көҥдөйө тутуллубута. Сир оҥоруута отделениеларга барытыгар барбыта, үрдүк күүрүүлээх уот линиятын бырайыага оҥоһуллубута, иһэр уу саппааһын чинчийии үлэтин ыыттарбыта – кэлин Аһымаҕа скважина тутуллубута. Ынах, сүөһү, таба ахсаана элбээбитэ, автотракторнай паарка ахсаана түөрт төгүл улааппыта. Сүөһүттэн ылыллар бородууксуйа бырыһыана лаппа үрдээбитэ. Дьон олорор усулуобуйата тупсубута. Дмитрий Иннокентьевич Заровняев үтүө аатын үйэлэргэ өйдүү саныы сылдьыахпыт 🕯️