🌾Кырыкыйга от үлэтин үгэнэ — 29 июля 2026 г. в 23:59:00.682
🌾Кырыкыйга от үлэтин үгэнэ Үөһээ Бүлүү улууһун Кырыкый сэлиэнньэтигэр ходуһа ахсын көхтөөх от үлэтэ күөстүү оргуйар. Оҕотуттан оҕонньоругар тиийэ бу күннэргэ от үлэтин инники күөҥҥэ туталлар. Биир бастакынан ходуһаҕа - Кырыкый тыатын хаһаайыстыбатын исписэлииһэ Николай Григорьев тахсыбыта. Кини төбөнөн 60 сүөһүлээх, онтон ыанар ынаҕа - 27. Уолунаан, сиэннэринээн кыстык оту бэлэмнээһиҥҥэ күүстээх үлэҕэ сылдьаллар. Ону таһынан, быраата, уола, сиэннэрэ ынах ыаһан үрүҥ илгэни үрүлүтэллэр. «От үүнүүтэ үчүгэй, халлаан туран биэрдэр, кыраны оттуур дьон бүтүөх этилэр. Элбэх от охсуллан сытар. Бэҕэһээҥҥиттэн күүстээх мунньуу, кээһии, рулоннааһын үлэтэ бара турар. 50 туонна кэбиһии рулон буолла. Дойдубут дьоно бары от үлэтигэр күргүөмнээхтик тахсыбыттара. Уматык боппуруоһун биһиэхэ саас эрдэ быһаарбыттара. Тарированнай канистралаахпыт, "Саханефтегаз" АУо тэрилтэни кытары дуогабардаһан сыл аайы суол-ииһэ мөлтөх нэһилиэктэргэ улуус дьаһалтата, нэһилиэкпит баһылыга аҕалтарар буолан, нэһилиэк тыа хаһаайыстыбатынан дьарыктанар дьоно абыранабыт. Онон кинилэргэ махталбыт муҥура суох. Бары күүһү – окко! Окко былааммыт - 800-900 туонна. Халлаан туран эрэ биэрдэр, тыа сирин чэрдээх илиилээх үлэһит дьоно толоруохпут», – диэн от үлэтин үгэнигэр сылдьар Кырыкый нэһилиэгин тыатын хаһаайыстыбатын исписэлииһэ Николай Николаевич санаатын үллэһиннэ. Үөһээ Бүлүү оройуонун «Тыа хаһаайыстыбатын управлениета» тэрилтэ