⛽ Бүгүҥҥү күҥҥэ улууска оттооһун үгэнэ күүстээхтик баран иһэр. Бу үлэҕэ массыына уматыг... — 7 августа 2026 г. в 06:30:04.091
⛽ Бүгүҥҥү күҥҥэ улууска оттооһун үгэнэ күүстээхтик баран иһэр. Бу үлэҕэ массыына уматыга быһаарыылаах, суолталаах буолан, Тааттатааҕы тыа хаһаайыстыбата бу боппуруоһу кытаанахтык хонтуруоллуур. 🚜Тыа хаһаайыстыбатын салаатын начальнигын солбуйааччы Григорий Семенович Григорьев уматык хааччыйыы хайдах бара турарын кэпсиир. - Ааспыт ыйга кэлбит уматыгы нэһилиэктэринэн үллэрэн олороллор, атырдьах ыйынааҕы сайаапка ыытыллан, кэллэ да отчуттарга түҥэтиллэрэ күүтүллэр. Уматык хааччыйыыта Саханефтегазсбыт тэрилтэтигэр 23960 лиитэрэ сэлээркэ уонна 11889 лиитэрэ бензин, "Туймаада нефть" тэрилтэтигэр 31752 лиитэрэ сайаапкаҕа баран турар.Бензин ордук моторканан, бензокосилканан уо.д.а өрүс нөҥүө оттуур нэһилиэктэргэ ананар. От ыйын саҥатыгар уматыкка лимит тахсыбытыгар, тыа хаһаайыстыбатын специалистара нэһилиэктэринэн хас биирдии дьоҥҥо, чааһынай уонна бааһынай хаһаайыстыбалаахтарга сылдьан ким төһө уматыкка наадыйарын туоһулаһан, тыа хаһаайыстыбатын министиристибэтигэр сайаапкалаабыттара. “Саханефтегазсбыт” уонна “Туймаада-Нефть” ааспыт сыллааҕы көрдөрүү түмүгүнэн суоттаан, уматык лимиитин көрбүттэрэ. 🌾Оттооһун оперативнай ситиһиилэрэ : • Ааспыт сылтан быйылгы от 600 тонна ордук куоһаран иһэр. • Отчуттар уонна тыраахтардар ахсааннара эбилиннэ: •Былырыын 154 полумеханизированнай биригээдэ баар эбит буоллаҕына, быйыл 90 биригээдэ баар. •Былырыын 115 механизированнай биригээдэ баар эбит буоллаҕына, быйыл 218 механизированнай биригээдэ эбиллэн таҕыста. •Быйыл 869 отчут оннугар 1300 киһи үлэлиир. •Ааспыт сыл 6900 га сир оттонуллубут, билигин 6331 гектар охсуллан сытар. •Фактически былырыын 3998 тонна от бэлэмнэниллибит буоллаҕына, бүгүҥҥү күҥҥэ 4597 тонна от буолан турар. Бу курдук, Таатта улууһун отчуттара күүстэрин-уохтарын харыстаабакка, кэлэр кыһыны туоруурга бэлэмнэнэллэр. @taattagazeta @ulusmedia