ТЫАРАҺАҔА "НАЛ ҮҮТ" ҮӨРҮҮЛЭЭХТИК АРЫЛЫННА — 21 августа 2026 г. в 00:00:55.077
ТЫАРАҺАҔА "НАЛ ҮҮТ" ҮӨРҮҮЛЭЭХТИК АРЫЛЫННА Тыараһа нэһилиэгэр атырдьах ыйын 18 күнүгэр “Нал үүт” тыа хаһаайыстыбатын прозводственнай кооперативын пищекомбинатын үөрүүлээх арыллыыта буолла. Республикаттан, улуустан ыҥырыылаах ыалдьыттары сэргэ нэһилиэк олохтоохторо кыттыыны ыллылар. Саҥа арыллыбыт тэрилтэ салалтатыгар – бэрэссэдээтэл Тимофей Барбасытовка, учредителлэр – Михаил Игнатьевка, Иван Чехордуҥҥа, “Нал үүт” коллективыгар туһаайан республикаттан СӨ ыччакка уонна социальнай коммуникацияҕа миниистирэ, региональнай политическай сэбиэт президиумун чилиэнэ Петр Шамаев, улуустан тыа хаһаайыстыбатын управлениетын начальнига Гаврил Кычкин, нэһилиэк баһылыга Святослав Сунхалыров, ытык сүбэттэн Петр Чехордун эҕэрдэ тылларын эттилэр, баҕа санааларын тиэртилэр. Үөрүлээх түгэҥҥэ туһааннаах үлэһиттэргэ улуус уонна Тыараһа нэһилиэгин дьаһалтатын аатыттан махтал суруктар туттарылыннылар. Тэрээһиҥҥэ кэлбит дьон-сэргэ “Нал үүт” оҥорон таһаарар бородууксуйатын – чөчөгөйүттэн ытыллыбыт күөрчэҕи, малина амтаннаах йогурту, суораты, арыытыттан оҥоһуллубут саламааты, арыылаах алаадьыны амсайдылар, бэйэ бородууксуйата амтанныын ураты минньигэһин бэлиэтээтилэр. Сиһилии➡️ https://xn--80aaa3eca.xn--p1ai/tyara%d2%bba%d2%95a-nal-%d2%af%d2%aft-%d2%af%d3%a9r%d2%af%d2%afleehtik-arylynna/ @taattagazeta @ulusmedia