Уус Алдаҥҥа тыа хаһаайыстыбатын министиэристибэтин бөлөҕө үлэлиир — 25 августа 2026 г. в 06:51:49.555
Уус Алдаҥҥа тыа хаһаайыстыбатын министиэристибэтин бөлөҕө үлэлиир СӨ Тыа хаһаайыстыбатын миниистирин солбуйааччы Сахаяна Павлова уонна быйыл от ыйыгар тыа хаһаайыстыбатын министиэристибэтин иһинэн саҥа тэриллибит семеноводство, кормопроизводство уонна сортоиспытание отделын салайааччыта Елена Владимирова бүгүн Уус Алдаҥҥа үлэлииллэр. Суоттуга Владислав Мордовской хаһаайыстыбатыгар саҥа тутуллан быйыл кыһын үлэлээри турар овощехранилищены көрдүлэр. 100 туонна үүнүү батар арочнай эбийиэк үлэҕэ киирэрэ кыра хаалбыт, аллараа муостатын оҥоруохтара, оһох туруоруохтара. Олохтоох үүнүү бородууксуйатын батарыыга ирдэбиллэр сылтан-сыл кытаатан иһэллэр эбит, онон оробуочай бөлөх хаһаайыстыбалар ирдэбиллэри тутуһан сайдалларын өйүүр соруктаах биир ситимнээх үлэни торумнаары, туох кыһалҕалаахтарын миэстэтигэр көрө-истэ сылдьаллар эбит. Владислав Семенович быйыл үүнүү орто, хортуоппуй биэс боруодатын олордорун кэпсээтэ, сабаҕалааһын (прогноз) быһыытынына 80 центнергэ эрэнэр. Сүрүн кыһалҕата – уу. Быйыл Суоттуга төһө да уу кэллэр, бааһыналар үрдүк сиргэ тураллар, мелиорация үлэтин ыыттахха эрэ бааһыналарга уу тиксэрин этэр. Салгыы үлэлиир бөлөх Дүпсүҥҥэ туораахтаах култуураны үүннэрэр хаһаайыстыбалары көрө айаннаата. Источник: Мүрү саһарҕата Текст: Анатолий Кириллин