👏Аҕам саастаахтары көрөр-истэр амарах сүрэхтээх Горнай олохтоохторо
👏Аҕам саастаахтары көрөр-истэр амарах сүрэхтээх Горнай олохтоохторо Кырдьаҕас киһи — дьиэ кэргэн кута, олох муудараһын уйата. Ол эрээри олох араас хайысхатынан соҕотох хаалбыт кырдьаҕастары уонна инбэлииттэри Горнай бэйэ дьиэ кэргэнигэр 10 ыал ылан көрөллөр-истэллэр. Соҕотох хаалбыт кырдьаҕастары уонна инбэлииттэри көрүү-истии амарах дууһаттан, санааттан тахсар үтүө дьыала. Бырагыраама 2016 сыллаахтан СӨ бырабыыталыстыбатын уурааҕынан олоххо киирэн нэһилиэнньэҕэ күүс-көмө, өйөбүл буолар. Горнай улууһугар бу курдук 10 ыал, ол иһигэр Бэрдьигэстээххэ биэс дьиэ кэргэн өйөбүл ылан көрөр-истэр. Сааһырбыт дьоҥҥо саҥа олоҕу, дьолу бэлэхтиир Горнай улууһун иһирэх дьиэ кэргэттэрин үтүө холобура - олох үрдүк кэрэтин, киһи киһиэхэ сыһыанын туоһута буолар.