Убаастабыллаах Нам улууһун олохтоохторо, күндү оҕолорбут! — 1 июня 2026 г. в 01:40:27.078
Убаастабыллаах Нам улууһун олохтоохторо, күндү оҕолорбут! Ис сүрэхпиттэн Оҕо көмүскэлин күнүнэн эҕэрдэлиибин! Биһиги саамай сүрүн түмүкпүт — оҕолорбут ситиһиилэрэ! Хас биирдии оҕо ураты, хатыламмат, талааннаах, инникилээх! Оҕолор доруобуйалара чэгиэн буоларын, хас биирдии оҕо дьоҕурун сайыннарарыгар болҕомтону уурабыт. Ол инниттэн үөрэх тиһигин, дьиэ кэргэҥҥэ социальнай өйөбүлү оҥорууну сайыннарабыт, саҥа оскуолалары, уһуйааннары, култуура дыбарыастарын тутабыт, аныгы технологиялары киллэрэбит. Биһиги оҕолорбут билиигэ-көрүүгэ, кэрэҕэ тардыһаллар, бары тэрээһиннэргэ, күрэхтэһиилэргэ көхтөөхтүк кытталлар. Кинилэр өрөспүүбүлүкэтээҕи, Бүтүн Россиятааҕы уонна норуоттар икки ардыларынааҕы олимпиадаларга, куонкурустарга уонна күрэхтэһиилэргэ кыайаннар улахан ситиһиилэнэллэр.