💚Саха сирин Судаарыстыбаннаһын күнунэн!
💚Саха сирин Судаарыстыбаннаһын күнунэн! 📝Балаҕан ыйын 27 күнэ — Саха сирин Судаарыстыбаннаһын күнэ. Саха Автономнай Советскай Социалистическай Өрөспүүбүлүкэтин сэттис ыҥырыылаах Үрдүкү Сэбиэтэ 1990 сыл балаҕан ыйын 27 күнүгэр Саха Өрөспүүбүлүкэтин судаарыстыбаннай суверенитетын туһунан Декларацияны ылыммыта. Бу историяҕа киирбит дөкүмүөн өрөспүүбүлүкэбит социальнай, экэниэмикэ бигэ туругун, норуот духуобунай сайдыытын түстээбитэ. Бу күнтэн ыла Сахабыт сирэ судаарыстыбаннаһын сайдыытын саҥа таһымҥа таһаарда. Улахан суолталаах дөкүмүөҥҥэ олоҕуран Саха Өрөспүүбүлүкэтэ бэйэтэ былааҕын, гиэрбэтин уонна өрөгөй ырыатын ылыммыта. Бу күн өрөспүүбүлүкэбит судаарыстыбаннаһын олохтонуутугар олук уурбут дьоммут: улуу Өксөкүлээх Өлөксөй, Василий Никифоров – Күлүмнүүр, Максим Кирович Аммосов, Платон Алексеевич Ойуунускай, Степан Васильевич Аржаков, Исидор Барахов, бастакы Ил Дархаммыт Михаил Ефимович Николаев уо.д.а. ааттарын махталлаахтык ааттыыбыт, кинилэр сырдык кэриэстэригэр сүгүрүйэбит. Чамча орто оскуолатыгар бала5ан ыйын 26 кунугэр бырааьынньыгы учууталлар, о5олор сахалыы танас кэтэн, саха төрүт аһын – алгыстаах, күн төгүрүк алаадьыны амсайан үөрүүлээхтик са5алаабыппыт. Алын кылаас учуутала Анахина А.Н ке5улээьининэн " Сахалыы санарар аан" диэн сонун акция буолла, сахалыы остуол оонньуута сэргэхтик ааста. Сахабыт сирэ үүнэ-сайда, чэчирии турдун!🌿