Сунтаардааҕы анал коррекционнай оскуола базатыгар үлэлиир «РОСТОК» ресурснай киин үлэтэ... — 8 апреля 2026 г. в 10:42:29.522
Сунтаардааҕы анал коррекционнай оскуола базатыгар үлэлиир «РОСТОК» ресурснай киин үлэтэ салҕанар. Ол курдук муус устар 8 күнүгэр биһиги исписэлиистэрбит, оҕо сайдыытыгар туһаайыллыбыт идэлээх көмө оҥорор сыаллаах, Түбэй орто оскуолатыгар тахса сырыттылар. Директор Игнатьева Анисия Семеновна салайааччылаах хамаанда Түбэй оскуолатын учууталларыгар уонна төрөппүттэригэр идэлээх консультациялары биэрдилэр. Десант састаабыгар: • Дефектолог Федорова М. П., логопедтар Назарова О. М. уонна Попова О. С.; • ЛФК исписэлииһэ Копылова А. А., массажист Кислая А. К.; • Үлэ уруогун учууталлара Данилова О. Н., Черепанова О. Н. уонна учуутал Семенова Н. А. Түбэй оскуолатын директора Архангельская Альбина Анатольевна ыалдьыттары итиитик-истинник көрүстэ. Үлэбит хаамыыта сүрүн икки хайысханан барда: 1. Исписэлиистэрбит оҕолору кытта тус-туспа көрүстүлэр, төрөппүттэргэ оҕо сайдыытын уратыларын туһунан субэ-ама биэрдилэр. Үлэ уруогун учууталлара оскуола учууталларыгар оҕо сатабылын сайыннарар ньымалары үллэһиннилэр, дьоҕус выставкаларын туруордулар. 2. Эбиэт кэннэ оскуола учууталларыгар оҕону үөрэтии уустуктарын уонна кыахтарын тула идэлээх кэпсэтиини ыыттылар. Түбэй оскуолатын кэлэктиибэ «РОСТОК» ресурснай киин исписэлиистэригэр махталларын биллэрэн, оскуолаларын историятын кэпсиир кинигэни бэлэхтээтилэр. Бу «педагогическай десант» — Сунтаар улууһугар анал үөрэхтээһин ситимин күүһүрдэр, хас биирдии оҕо сайдыытыгар туһаайыллыбыт биир дьоһуннаах үлэ буолла.