ММ

МКУ Мечетлинский отдел образования РБ

Госорганы и учреждения · 11 сентября 2026 г.

Открыть канал в MAX

Бөгөн Яңы Мишәр урта мәктәбендә Милли кейем көнө сиктәрендә саралар үтте.

Бөгөн Яңы Мишәр урта мәктәбендә Милли кейем көнө сиктәрендә саралар үтте. Башҡорт теле һәм әҙәбиәте уҡытыусыһы Нутфуллина Г.Һ. «Башҡорт милли кейеме» тигән темаға класс сәғәте үткәрҙе. Уҡыусылар ҡатын -ҡыҙҙарҙың, ир - егеттәрҙең милли кейемдәре менән танышты, таҫтар, ҡашмауҙы кемдәр кейгәнен белделәр. Шулай уҡ мәҙәниәт хеҙмәткәрҙәре менән берлектә «Ҡомартҡы» халыҡ тамбур сигеү коллективының етәксеһе Латипова Э.Ғ. уҡыусылар менән төньяҡ-көнсығыш башҡорттарының милли кейем аксессуарҙары тураһында әңгәмә үткәрҙе. Түшелдеректең ниме икәне, баш кейемдәренең ниндәй булыуы, кейемдәге тәңкәләрҙең ябай биҙәк кенә түгел, ә бөтөн ырыу тарихы икәне хаҡында һөйләштеләр. Әлбиттә, таҫтамалдарҙы ла иҫкә алдылар — улар ҙа кейемдең бер өлөшө булған, уларҙы сигеп, билбау йәки күкрәк биҙәге итеп ҡулланғандар. Балалар беҙҙең ата-бабаларыбыҙ кейеменең нисек булыуын һәм һәр элементының ниндәй мәғәнә йөрөтөүен белделәр. Шулай уҡ бөгөн балалар милли кейемдәрҙә уҡынылар. Башланғыс кластарҙа класс етәкселәре Ғәлиуллина Р.М., Хисамова Г.И. милли кейем хаҡында әңгәмә үткәрҙеләр. Өҫтәмә белем биреү педагогы Кузнецова Ю.Н. кластан тыш сара ойошторҙо. Байрам менән!!!! #учусьвнациональномкостюме #милликейемдәуҡыйбыҙ #МиллиКейемКөнө2026 #ДеньНациональногоКостюма2026