МКУ «Никольский музей землепользования им.И. С. Шарапова СП «Никольский наслег»
Образование · 25 мая 2026 г.
Ыам ыйын 22 күнүгэр, Ньукуолун күнүгэр, "Иван Серафимович Шарапов Никольскайдааҕы сири ... — 25 мая 2026 г. в 06:40:25.956
Ыам ыйын 22 күнүгэр, Ньукуолун күнүгэр, "Иван Серафимович Шарапов Никольскайдааҕы сири туһаныы" музейа «Кыраайы үөрэтэр десант» тэрээһинин ыыттыбыт. Бу кун ытыктабыллаах аҕам саастаахтарбыт, ыалдьыттарбыт Никольскай нэһилиэгиттэн төрүттээх — Ини-бии Леонтьевтар ыалдьыттаатылар уонна биир дойдулаахтарабыт Нам улууһун "норуотун үөрэҕириитин" музей директора Елена Ивановна Шарапова; СР култууратын туйгуна, Нам улууһун Ытык киһитэ, Нам улууһун "Туллук хаара" ырыа айааччылар түмсүү салайааччыта Андрей Терентьевич Замятин; РФ Сураналыыстарын сойууһун чилиэнэ, «Эҥсиэли» хаһыат редакциятыттан Касьян Афнасьевич Олесов. Көрсүһүү олус сылаас, доҕордуу эйгэтигэр ыытылынна. Тэрээһин кэмигэр Ини-бии Леонтьевтар төрөөбүт дойдуларын Никольскай историятын, өбүгэлэрбит олохторун-дьаһахтары кэпсээтилэр, ону тэҥэ культурнай нэһилиэстибэни харыстааһын суолтатын дьүүллэстибит. Никольскай сэлиэнньэтин, чопчу Мурчукулар историяларын ырыттыбыт. Нэһилиэк кинигэтин редакциятыгар ураты болҕомто ууруллунна. Ытыктабыллаах Егор Романович, Роман Романович, Иван Романович мэлдьтин күүстээх көмөҕүт, өйөбүлгүт, нэһилиэк олоҕор көхтөөхтүк кыттыыгыт иһин истиҥ махталбытын тиэрдэбит. Ис сүрэхпититтэн эһиэхэ бөҕө доруобуйаны, уһун үйэни, этэҥҥэ буолууну баҕарабыт! Бу суолталаах тэрээһини тэрийиигэ көмө, өйөбүл оҥорбут дьоҥҥо барыларыгар махталбытын биллэрэбит.