МКУ «Управление образования Буинского муниципального района»
Образование · 8 сентября 2026 г.
2026 елның 8 сентябрендә, Россиядә беренче тапкыр билгеләп үтелүче Россия Федерациясе х... — 8 сентября 2026 г. в 17:05:09.067
2026 елның 8 сентябрендә, Россиядә беренче тапкыр билгеләп үтелүче Россия Федерациясе халыклары телләре көне уңаеннан, Буа муниципаль районында зур күләмле бәйрәм чаралары уздырылды. Әлеге истәлекле дата Россия Президенты Владимир Путин Указы белән расланды. Район мәктәпләрендә «Россия – халыклар йорты» Бөтенроссия диктанты акциясе узды. Татар, рус, чуваш телләрендә диктант яздылар. Чара грамоталылыкны тикшерү генә түгел, ә туган телнең кулланылышын популярлаштыру максатын да күздә тотты. Урта һәм югары сыйныф укучылары өчен «Тел — милләт сакчысы», «Күпмилләтле илем горурлыгы» дигән тәрбияви дәресләр үткәрелде. Мәктәп китапханәләрендә «Россия халыклары әлифбалары», «Туган як әкиятләре» дип исемләнгән күргәзмәләр оештырылды. Биредә сирәк басма китаплар һәм халык язучыларының портретлары куелды. «Татарстанда әкиятләр көне» республика акциясе балалар бакчаларын һәм башлангыч сыйныфларны колачлады. Тәрбиячеләр һәм укытучылар Идел буе халыклары әкиятләрен укыдылар, әкият өзекләрен сәхнәләштерделәр. Буа районында узган бу бәйрәм — телләрнең байлыгын күрсәтүче чара гына түгел, ә һәр баланың күңелендә туган якка һәм аның гореф-гадәтләренә карата тирән хөрмәт уята торган тәрбияви мизгел булды. Мондый форматтагы очрашулар киләчәктә дә даими рәвештә үткәрелеп торырга тиеш. Чөнки нәкъ менә шундый аралашу аша без балаларыбызда толерантлык тәрбиялибез, буыннар бәйләнешен ныгытабыз һәм Россиянең күпмилләтле гаиләсендәге һәр телнең кадерле икәнен исбатлыйбыз.