Үрүҥ Тунах ыһыаҕынан!
Үрүҥ Тунах ыһыаҕынан! Бу кэрэ күн Сахабыт сирин дьоно-сэргэтэ самаан сайыны көрсө олох эргиирин бэлиэтиир, үтүө үгэстэри, сиэри-туому тутуһар. Ыһыах — биһиги норуоппут баай култууратын, төрүт үгэстэрбитин, ырыабытын-тойукпутун, оһуохайбытын, алгыспытын үйэтитэр ураты суолталаах. Yйэттэн-үйэҕэ бэриллэн илдьэ кэлбит сүдү баайбыт, киэн туттуубут буолар. Үрдүк Айыыларга сүгүрүйэр, айгыр-силик айылҕабытын кытта алтыһар ытык-мааны күммүтүгэр норуоппут өйө-санаата түмүллэр, үс кута бөҕөргүүр, өрөгөй талаана арыллар. Бу күнү дьиэ кэргэммитинэн бэлиэтээн, оҕолорбутугар, эдэр көлүөнэҕэ төрөөбүт тылбытын-өспүтүн, култуурабытын ытыктыырга, харыстыырга үтүө холобур буолуоҕуҥ. Барыгытыгар чөл туругу, ыраас халлааны, этэҥҥэ буолууну! Үөрэх салалтатын начальнига Ю.П. Посельскай