Ытыктабыллаах Захар Иванович Федоровы, П.М. Васильев аатынан Соловьев орто оскуолатын б...
Ытыктабыллаах Захар Иванович Федоровы, П.М. Васильев аатынан Соловьев орто оскуолатын бочуоттаах бэтэрээн учууталын, Саха Өрөспүүбүлүкэтин «Гражданскай килбиэн» анал бэлиэнэн наҕараадаламмыккынан Чурапчы улууһун үөрэҕин салалтатын, үөрэх үлэһиттэрин идэлээх сойуустарын кэмитиэтин уонна педагогическай общественноһын аатыттан итиитик-истиҥник эҕэрдэлиибит! Эн өр сылларга физкультура учууталынан бэриниилээхтик үлэлээн, улууспут үөрэҕириитин сайдыытыгар сүҥкэн кылааты киллэрбитиҥ. Оҕо аймаҕы эт-хаан өттүнэн сайдыылаах, чэгиэн туруктаах, дьулуурдаах уонна тулуурдаах буоларга уһуйбут сыралаах үлэҥ үрдүктүк сыаналаммытынан ис сүрэхтэн үөрэбит, киэн туттабыт. Ииппит-такайбыт оҕолоруҥ улуус, өрөспүүбүлүкэ, дойду таһымыгар ыытыллар успуорт күрэхтэһиилэригэр куруутун ситиһиилээхтик кытталлара, бу – эн сыралаах үлэҥ үтүө түмүгэ, кэрэһитэ буолар. «Гражданскай килбиэн» бэлиэ - бу эн уопсастыбаҕа, үөрэх эйгэтигэр киллэрбит үтүөҥ-өҥөҥ, өр сыллаах үтүө суобастаах, айымньылаах үлэҥ иһин дьон-сэргэ махтала, ытыктабыла уонна үрдүк сыанабыла буолар. Ыллыктаах сүбэҥ-амаҥ, үтүө холобуруҥ билигин эдэр көлүөнэ учууталларга бигэ тирэх буолар. Ытыктабыллаах Захар Иванович, саха алмааһыныы кытаанах доруобуйаны, чөл туругу, уһун дьоллоох олоҕу баҕарабыт