ОЛОҔУН КИЭН СУОЛА
ОЛОҔУН КИЭН СУОЛА Сырдыкка, кэрэҕэ көтүтэр, Үтүөнү-кэрэни үксэтэр Үтүөкэн киһибит учуутал, Үйэ-саас эйиэхэ дьиҥ махтал! Саха Өрөспүүбүлүкэтин үөрэҕириитин үтүөлээх үлэһитэ, РСФСР норуотун үөрэҕириитин туйгуна, Чурапчы улууһун бочуоттаах олохтооҕо Кирилл Кириллович Пермяков туһунан «Чурапчы улууһун учууталлара» серияҕа 12-с кинигэнэн тахсыбыт «Кини олоҕун киэҥ суола» кинигэ биһирэмэ алтынньы 6 күнүгэр, Ыччат киинигэр ыытылынна. «Айгыл» оҕо образцовай ансаамбылын оҕолорун (сал. М.М. Слепцова) хомуска дьүрүскэнэ тэрээһини саҕалаата. Педагог-наставникпыт олоҕун, үлэтин көрдөрөр быыстапка турда. Кирилл Кириллович төрөөбүтэ 100 сыллаах юбилейыгар кини сиэн оҕолоро бу кинигэни хомуйан, түмэн Учуутал күнүгэр болдьоон таһаардылар. Кирилл Кириллович 1926 сыл кулун тутар 20 күнүгэр Боотуруускай улуус Мугудай нэһилиэгэр күн сирин көрбүтэ. Төһө да эрдэ тулаайах хааллар олоххо тардыһыытынан үлэҕэ кыайыгас, спортка тардыһыылаах буола улааппыта. Үөрэҕэр кыһамньылаах, элбэҕи ааҕар, көхтөөх комсомолец Амма сэттэ кылаастаах оскуолатын бүтэрэн 1943 сыллаахха Чурапчытааҕы педучилищеҕа, кэлин Педагогическай институт историческай факультетыгар үөрэнэн история учууталын идэтин баһылаабыта. Улуус үөрэҕириитин эйгэтигэр кини үлэлээн-хамсаан, айан-тутан кэлбит үлэтэ элбэх, киэҥ, үйэлээх. Кирилл Кириллович уһуннук учууталынан, салайааччынан таһаарыылаахтык үлэлээбитэ, кыраайы үөрэтиигэ, улуус уонна үөрэҕирии историятын үйэтитиигэ сүдү кылаатын киллэрбитэ, педагогическай музейы төрүттээбитэ, норуот педагогикатынан утумнаахтык дьарыктанан улуустааҕы ассоциацияны салайбыта. Кинигэ тутулун, ис хоһоонун үөрэх салалтатын специалиһа Мария Артемьева компьютернай презентация көмөтүнэн сырдатта. Кинигэ Ю. А. Гагарин аатынан типографияҕа бэчээттэнэн 150 экземплярынан таҕыста. Кирилл Кириллович сиэннэрэ Туйаара Петрова, Виктория Семенова, Сардаана Монастырева эһэлэрэ суруйан-бичийэн хаалларбыт үлэлэрин, кини туһунан ахтыылары, хаартыскалары сэттэ түһүмэҕинэн наардаан тупсаҕайдык оҥорбуттар. Олус суолталаах кинигэ күн сирин көрбүтүнэн, үйэтитиигэ улахан кылааттааҕын этэн туран хомуйан таһаарбыт сиэннэригэр эҕэрдэ, махтал тыллар ананнылар. Чурапчы улууһун депутаттарын Сэбиэтин председателэ Яков Павлович Оконешников, үөрэх салалтатын начальнига Юрий Павлович Посельскай кыттыыны ыллылар, махтал суруктары сиэннэригэр туттардылар. Кирилл Кириллович сырдык, киэҥ далааһыннаах олоҕун, уһуннук үлэлээбит Мугудайын оскуолатыттан директор Николай Кузьмич Пермяков, үөрэх салалтатыгар бииргэ үлэлээбиттэр ааттарыттан уопсай үөрэхтээһин уонна методическай хааччыйыы отделын салайааччыта Ираида Григорьевна Винокурова, Сидоровтар учуутал династияларыттан Елена Петровна Капитонова, «Саҥа олох» хаһыат ветеран үлэһитэ Алексей Михайлович Слепцов, норуот педагогикатыгар бииргэ үлэлэспит «Мичил» уһуйаан сэбиэдиссэйэ Марианна Николаевна Яковлева, этнопедагог Ирина Дмитриевна Захарова, социальнай педагогтар Саргылана Васильевна Башарина, Александра Захаровна Прибылых, киин библиотекаҕа үгүстүк алтыспыт Вера Аполлоновна Платонова, Наталья Гаврильевна Захарова, үлэтин сэҥээрээччилэр Алгыстаана Күөрэгэй, психолог Надежда Никифоровна Попова, аймахтара, ветеран учуутал Екатерина Петровна Пермякова, Дмитрий Андреевич Илларионов, И.М. Павлов аатынан Чурапчы орто оскуолатыттан Ольга Диевна Ефремова, «Туллукчаан» уһуйаантан Альбина Ивановна Варламова алтыспыт кэмнэрин үтүө махталынан аҕыннылар. Бүтэһигэр тылы кыыһа Евдокия Кирилловна ылан тэрээһин иһирэхтик барбытынан махтал тылларын эттэ, Кирилл Кириллович аатынан педагогическай албан аат музейа саҥа дьиэлэнэн муспут үгүс экспоната, материала өссө да туһалыы турарыгар, эдэр көлүөнэҕэ үлэҕэ бэринии, кыраайы үөрэтии үтүө холобура буола турарыгар баҕарда. Сиэннэрэ кинигэ тахсыытыгар өйөбүл буолбут улуус баһылыгар Степан Анатольевичка, мунньах председателигэр Яков Павловичка, үөрэх салалтатын начальнигар Юрий Павловичка махтал суруктарын, кинигэлэрин, көмөлөспүт дьоҥҥо – педагогическай музей үлэһиттэригэр Мария Ивановна Чичигинароваҕа,