Бүгүн алтынньы 9 күнүгэр Чурапчы улууһугар Российскай Федерация педагогическай декадаты...
Бүгүн алтынньы 9 күнүгэр Чурапчы улууһугар Российскай Федерация педагогическай декадатын чэрчитинэн Эбии үөрэхтээһин үлэһиттэрин күнүн үөрүүлээх тэрээһинэ буолан ааста. Тэрээһиҥҥэ улуус үс эбии үөрэхтээһин тэрилтэлэрин үлэһиттэрэ, бэтэрээннэрэ уонна ыҥырыылаах ыалдьыттар муһуннулар. Эбии үөрэхтээһин күнүнэн Чурапчы улууһа МР социальнай отделын салайааччыта Алена Андреевна Пермякова, «Юные якутяне» өрөспүүбүлүкэтээҕи ресурснай киин методиһа Надежда Афанасьевна Андросова, Чурапчы улууһун үөрэх салалтатын салайааччытын солбуйааччыта Алена Борисовна Моисеева эҕэрдэ тылларын эттилэр. Үөрэхтээһин эйгэтигэр үлэлии кэлбит эдэр педагогтарга ытыктыыр бэтэрээннэрбит кэс тылларын анаатылар. Вячеслав Павлович Карпов аатынан оҕо спортивнай оскуолатын бэтэрээннэрэ: Морфунов Семен Семенович — СССР спордун маастара, СӨ физическэй култууратын уонна спордун үтүөлээх үлэһитэ, учууталлар учууталлара; Макаров Семен Прокопьевич — РФ үөрэҕириитин бочуоттаах үлэһитэ, РФ физическэй култууратын уонна спордун туйгуна. Андрей Павлович Листиков аатынан Чурапчытааҕы үөрэтэр, оҥорон таһаарар киинтэн үлэ бэтэрээнэ Монастырев Гурий Гурьевич уонна · Ортоюков Мирон Николаевич. «Радость» оҕо дьоҕурун сайыннарар киин бэтэрээнэ , РФ үөрэхтээһинин эйгэтин бочуоттаах үлэһитэ, үлэ бэтэрээнэ, сыана бэтэрээнэ, Чурапчы улууһун бочуоттаах олохтооҕо Пермякова Любовь Алексеевна кэлэн ыалдьыттаатылар. Интернет ситиминэн өрөспүүбүлүкэҕэ «Лучший видеоролик о деятельности кружка и секции» күрэх буолан ааста. Күрэххэ Кэбээйиттэн, Уус Алдантан, Мэнэ Ханаластан, Тааттаттан, Мирнэйтэн, Дьокуускайтан, Томпоттон, Чурапчы улууһуттан барыта 48 педагог кыттыыны ылла. Муҥутуур кыайыылааҕынан “Радость” оҕо дьоҕурун сайыннарар киин Мырылатааҕы филиалын эбии үөрэхтээһин педагога Николаева Куннэй Витальевна буолла, иккис миэстэнэн наҕараадаланна А.П. Листиков аатынан Чурапчытааҕы үөрэтэр, оҥорон таһаарар киин педагога Новгородов Иннокентий Николаевич, үһүс миэстэни ылла Таатта улууһун Дьохсоҕон орто оскуолатын эбии үөрэхтээһин педагога Бысыина Виктория Прокопьевна.