Улууспут агро-хайысхалаах профессор Г.П. Башарин аатынан Сылаҥ уонна Одьулуун орто оску...
Улууспут агро-хайысхалаах профессор Г.П. Башарин аатынан Сылаҥ уонна Одьулуун орто оскуолалара «Золотая осень — 2026» диэн Бүтүн Арассыыйатааҕы агропромышленнай быыстапкаҕа ситиһиилээхтик кыттан Чурапчыларын аатын үрдүктүк ааттаттылар! Бу быыстапка — дойдубут агропромышленнай комплексын сүрүн былаһаакката буолар. Быйылгы тэрээһин Москватааҕы «Тимирязев Центр» диэн саҥа, аныгы уораҕайга буолан ааста. Манна Арассыыйа 70-ча эрэгийиэниттэн 1500-тэн тахса тэрилтэ кыттан, аныгы технологиялары, бастыҥ бородууксуйаны, племенной сүөһүнү көрдөрдүлэр. Манна оскуолаларбыт бэйэлэрэ үүннэрбит, хомуйбут эмтээх отторуттан, отонноруттан айан, оҥорон таһаарбыт бородууксуйаларынан кыттан үрдүк ситиһиилэннилэр: 🌿 Одулуун орто оскуолата - Мятаттан оҥоһуллубут сироп "Мята сүмэтэ" бэйэтин уратытынан үрдүк сыанабылы ылла — К Ы ҺЫЛ КӨМҮС МЭТЭЭЛ ! - Кучуттан оҥоһуллубут доруобуйаҕа туһалаах «Тумарча» чэйдэрэ — БОРУОНСА МЭТЭЭЛ; - «Сонор» чайнай напиток — БОРУОНСА МЭТЭЭЛ. 🍒 Сылаҥ оскуолата — КЫҺЫЛ КӨМҮС МЭТЭЭЛ хаһаайына! «Сухой соус брусничный "Уулаах отон"» диэн бородууксуйалара дьүүллүүр сүбэни сөхтөрдө. Саха сирин эмтээх отонун аныгы технологиянан хатаран, кэнсиэрбэлээн, омук сиригэр даҕаны таxсар кыахтаах, дьиҥнээх бренд буолбут! Бу кыайыы — оҕону кыра эрдэҕиттэн сиргэ-уокка, үлэҕэ сыһыаран, сир аһын, эмтээх оттору хомуйууттан саҕалаан аныгы бородууксуйаны оҥорон таһаарарга үөрэтэр агро-хайысхалаах үөрэхтээһини тэрийии дьиҥнээх инникини түстүүр үлэ буоларын туоһулуур. Оскуолалар коллективтарын, үөрэнээччилэри үрдүк ситиһиинэн эҕэрдэлиибит! Баҕарабыт инникитин даҕаны саҥаттан саҥа саҕахтары, сонун бородууксуйаны, элбэх ситиһиилэри!