Биир кэлим судаарыстыбаннай эксээмэн бүтэһиктээх түмүктэрэ билиннилэр — 22 июля 2026 г. в 23:34:39.796
Биир кэлим судаарыстыбаннай эксээмэн бүтэһиктээх түмүктэрэ билиннилэр Быйыл улууспутугар орто оскуоланы 225 выпускник (ол иһигэр доруобуйатынан хааччахтаах 4 оҕо) бүтэрбититтэн 222-тэ Биир кэлим эксээмэни сүрүн түһүмэҕэр ситиһиилээхтик туттаран ситии-хотуу аттестатын тутта. 2024 сылтан улуус баһылыгын дьаһалынан БКЭ-ны 90-99 баалга туттарбыт үөрэнээччи 50 000 солк., 100 баалга туттарбыт 100 000 солк., үөрэппит учуутал 50 000 солк. харчынан бириэмийэлэнэллэр. Онон географияны 95 баалга туттарбыт Бээрийэ орто оскуолатын выпускнига Роман Аргунов уонна учуутала Екатерина Ивановна Васильева, нуучча тылыгар 91 баалы ылбыт Мүрү 1-кы №-дээх ОО выпускнига Саргылана Бочкарева, учуутала Алена Афанасьевна Заболоцкая бу бириэмийэни тутуохтара. Орто оскуоланы сэттэ выпускник кыһыл көмүс, 10 выпускник үрүҥ көмүс мэтээлинэн түмүктээтилэр. Улууспутугар саамай элбэх медалистаах (2 кыһыл, 3 үрүҥ көмүс) Мүрү 1 №-дээх орто оскуолатын учууталлара үлэлэрэ үтүө түмүктээх буолан үөрүүлэрэ үксээтэ. Мүрү 2-с №-дээх ОО – 2 кыһыл, Мүрүтээҕи уолаттар гимназиялара – 2 кыһыл, Тумул – 1 кыһыл, Баатаҕай, Лөгөй, Чэриктэй оскуолалара – 2 үрүҥ, Түүлээх – 1 үрүҥ көмүс медалистаахтар. Сиһилии Уус Алданнааҕы үөрэх управлениетын уопсай үөрэхтээһини хааччыйар уонна кэтээн көрөр отделын салайааччыта Саргылана Громова ⬇️ БАТТАА 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐https://мюрюгазета.рф/ ✅ @uamurusahargata @ulusmedia