🍁✏️Танда оскуолатыгар үбүлүөйдээх үөрэх дьыла саҕаланна — 2 сентября 2026 г. в 05:33:02.422
🍁✏️Танда оскуолатыгар үбүлүөйдээх үөрэх дьыла саҕаланна Үлэ Геройа Михаил Николаевич Готовцев аатын сүгэр Танда орто оскуолатыгар саҥа 2026-2027 үөрэх дьылын маҥнайгы чуораана чугдаарда. Быйылгы үөрэх дьылыгар оскуолабытыгар 64 оҕо үөрэниэ, оттон оскуола боруогун аан маҥнай атыллаан бастакы кылааска икки үөрэнээччи киирдэ. Кинилэри билии-көрүү дойдутугар сирдээччинэн, бастакы учууталларынан оскуолабытыгар саҥа үлэлии кэлбит Евдокия Викторовна Бурцева ананна. 2026-2027 үөрэх дьылын үөрүүлээх аһыллыытыгар Арассыыйабыт Федерациятын былааҕын оскуолабыт дириэктэрэ Константин Георгиевич Готовцев, быйыл оскуоланы бүтэрэр выпускник Туйаара Мамонтова, оскуола боруогун аан маҥнай атыллыыр үөрэнээччилэр Вера Вензель, Петя Черноградскай өрө көтөхтүлэр. Билии күнүнэн эҕэрдэ тыллары оскуолабыт дириэктэрэ Константин Готовцев, Байаҕантай нэһилиэгин баһылыга Савва Егоров, СӨ үөрэҕириитин туйгуна, РФ үөрэҕириитин бочуоттаах үлэһитэ, СӨ үөрэҕириитин үтүөлээх үлэһитэ Надежда Егорова, Уус Алдан улууһун кырдьаҕастарын сэбиэтин бэрэсээдэтэлэ Иван Колодезников, «Кэнчээри» оҕо уһуйаанын коллективын аатыттан оҕолор иитээччилэрэ Саргылаана Готовцева эҕэрдэлээтилэр. Быйыл оскуолабытыгар саҥа үлэлии кэлбит математика учууталыгар Марианна Гаврильевнаҕа, маҥнайгы кылаас учууталыгар Евдокия Викторовнаҕа, биология учууталыгар Игорь Алексеевичка, биһиги оскуолабытыгар өр сылларга директорынан үлэлээбит Надежда Михайловна: «Саҥа учууталлар Танда орто оскуолатын хайаан да таптыыргытыгар уонна оҕолоргутун билиигэ-көрүүгэ сирдииргитигэр, бу Байаҕантай нэһилиэгин, мин үлэлээн ааспыт дойдум диэн куруук өйдүү-саныы сылдьаргытыгар баҕарабын”, – диэн баҕа санаатын эттэ. Ону таһынан быйылгы үөрэх дьыла биһиги оскуолабытыгар уратылааҕын бэлиэтээтэ. Ол курдук 2027 сылга оскуолабыт 135 сааһын туолар. Онон бары үөрэнээччилэргэ, быйылгы үөрэх дьылын түмүктүүр, олох киэҥ аартыгар үктэнэр выпускниктарга алгыс тылын эттэ. Саҥа үөрэх дьыла бука барыбытыгар ситиһиини, кыайыыны-хотууну эрэ аҕаллын. ✍️Айыллыына ГОТОВЦЕВА, Х кылаас, М.Н. Готовцев аатынан Танда орто оскуолата 📸Туйаара МАМОНТОВА, XI кылаас 📲Мах-каналбытыгар сурут ⬇️ https://max.ru/channel_ua_murusahargata 🌐 https://мюрюгазета.рф/ ✅ @uamurusahargata @ulusmedia