МКУ "Усть-Алданский историко-краеведческий музей им.Сэсэн Ардьакыап"
Образование · 30 июня 2026 г.
🏛️Култуура сылынан"Музейга үлэлээбит дьоммут туһунан кэпсиибит..." рубрика🏛️ — 30 июня 2026 г. в 09:55:52.486
🏛️Култуура сылынан"Музейга үлэлээбит дьоммут туһунан кэпсиибит..." рубрика🏛️ 🔹Готовцева Надежда Михайловна 1996 сылтан 2018 сылга диэри И. П. Готовцев аатынан Танда музейыгар научнай сотруднигынан үлэлээбитэ. 🔹Кини хара маҥнайгыттан үлэтин тэтимнээхтик саҕалаабыта. Танда музейын экспонаттарын сааһылаан, ып- ыраас чуолкай буочарынан суруйан, учуот кинигэтигэр (Книга поступлений) киллэриигэ үлэлэспитэ. Хас биирдии экспонаты сирийэн, туругун көрөн, кичэллээхтик сурукка киллэрсибитэ. 🔹Надежда Михайловна Байаҕантай нэһилиэгин бэтэрээннэрин кытта ыкса сибээһи тутан, хас биирдиилэригэр дьиэнэн кэрийэ сылдьан, хаартыскалары хомуйан, ахтыылары суруйтаран, анал анкеталары толорторон улахан кэскиллээх үлэни оҥорбута. Онон тыыл уонна үлэ бэтэрээннэрин ааттарын үйэтитэн, музей үлэтин ис хоһоонун байыппыта. 🔹Улахан ситиһиитэ Герой Егоров аатынан сопхуос механизатордарын, автопарк үлэһиттэрин кытта сибээһи тутан, кэпсэтэн, элбэх ахтыылары хомуйбута. Ол түмүгэр биһиги нэһилиэкпит бастыҥ үлэһит дьоно "Уус Алдан механизатордара" диэн кинигэҕэ киирбиттэрэ. 🔹Надежда Михайловна төрдү- ууһу үөрэтиигэ болҕомтотун уурбута. Ол курдук, "Үгүрүөлэр" аймах төрүччүлэрин сыныйан үөрэтэн, улахан киэҥ аймах түмсүүлэрэ 2007 уонна 2016 сылларга буолбута. Бэйэ төрдүн - ууһун үөрэтиигэ бастакы хардыыны саҕалаабыта. 🔹Надежда Михайловна олус эппиэтинэстээх үлэһит этэ, ылсыбыт соругун кэмигэр толорорго дьулуһара. Үлэлээбит сылларыгар Танда музейын үлэтэ сайдыытыгар бэйэтин кылаатын киллэрсибитэ. Надежда Михайловна кэскиллээх, киэҥ хабааннаах үлэтинэн нэһилиэк олохтоохторугар улахан ытыктабылы ылыан ылбыта.