МКУ "Усть-Алданский историко-краеведческий музей им.Сэсэн Ардьакыап"
Образование · 26 июня 2026 г.
Остуойка туһунан кинигэ сүрэхтэннэ — 26 июня 2026 г. в 00:36:00.888
Остуойка туһунан кинигэ сүрэхтэннэ Бүгүн Сэһэн Ардьакыап аатынан улуус түмэлигэр СӨ култууратын туйгуна, Мүрү нэһилиэгин бочуоттаах олохтооҕо Альбина Афанасьева Улуу Кыайыы 80 сылыгар анаан таһааттарбыт «Удьуорбут төрдө - Остуойка» диэн кинигэтэ сүрэхтэннэ. Бу кинигэҕэ дьоҕусчаан Остуойка бөһүөлэгиттэн хайдахтаах халыҥ удьуор аймахтар үөскээн-тэнийэн тахсыбыттара, кинилэр дойдуларын туһугар Аҕа дойду сэриитигэр турууласпыттара, үөрэхтээх, үлэһит дьон буолан дойдуларыгар ууммут кылааттара, билиҥҥи ыччаттара Аан дойду араас муннуктарынан олохсуйан үлэлии-хамсыы сылдьаллара саас сааһынан тиһиллибит. Кинигэ улуустааҕы «Мүрү саһарҕата» хаһыат редакциятын иһинэн 110 ахсаанынан бэчээттэммит. Кинигэ биһирэмэ Альбина Егоровна алгыһынан уонна ааптар аҕата Егор Афанасьев суруйбут остуойка туһунан ырыаны истииттэн саҕалаан бэрт истиҥник тэрилиннэ. Улууспут историятыгар сыаналаммат бэлэх буолар – саҥа кинигэ тахсыбытынан, Альбина Егоровнаны кытта айымньылаах үлэҕэ бииргэ алтыспыт уонна Остуойкаттан төрүттээх дьоно-сэргэтэ үөрэн-көтөн туран эҕэрдэлээтилэр, барҕа махтал тылларын эттилэр. ✍️Мария Аргунова 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia