Олоҥхо ыһыаҕын үөрүүлээх дьоро тэрээһинигэр олохтоох аҕа баһылык Иван Афанасьев, Мэҥэ Х... — 18 июня 2026 г. в 05:12:24.170
Олоҥхо ыһыаҕын үөрүүлээх дьоро тэрээһинигэр олохтоох аҕа баһылык Иван Афанасьев, Мэҥэ Хаҥалас улууһун баһылыга Дмитрий Тихонов, СӨ Ил Түмэн судаарыстыбаннай мунньаҕын депутата, А.Д. Макарова аатынан Дьокуускайдааҕы култуура колледжын салайааччыта Захар Никитин, Мэҥэ Хаҥалас улууһун култуураҕа уонна духуобунай сайдыыга салайааччыта Анна Исакова, СӨ Олоҥхо ассоциациятын президенэ Феврония Шишигина эҕэрдэлээтилэр, бастыҥнары наҕараадалаатылар Гавриил Колесов аатынан Олоҥхо Дьиэтин салайааччыта Айта Васильева эҕэрдэлээтэ уонна Гавриил Колесов аатынан үрүҥ көмүс бэлиэни олоҥхону толорооччу Гаврил Спиридоновка кэтэртэ. Олоҥхоһут Г.Н. Ларионов-Халлаан Хабырыыс сыдьааннара Светлана Гаврильевна, Саргылана Гаврильевна Ларионовалар, уруунан-аймаҕынан түмсэн кэлэн олоҥхоһут эрэ буолбакка, бэйэтин кэмигэр айылҕаттан айдарыылаах эмчит, отоһут, сири нүөлсүтээччи быһыытынан албан ааттаммыт эһээлэрин туһунан үрдүк түһүлгэҕэ туран сырдаттылар, кэпсээтилэр, дьоҕурдаах киһи сыдьааннара кытары дьоҕурдаах буолан биэрдилэр, сиэттэр ылбаҕай ырыа маанытын ыллаан бар дьону үөртүлэр, сэргэхситтилэр. Дьэ бу кэннэ ылбаҕай ырыалаах, үөрүүлээх үҥкүүлээх Рассолода, ыаллыы сытар Нөөрүктээйи, Хаптаҕай нэһилиэктэрин талба талааннаах дьонун эҕэрдэ кэнсиэрэ буолла. Күнүскү омурҕан, хорчуоппа, сынньалаҥ кэннэ Олоҥхо күрэҕин салҕыыта, саха уус-уран айымньыларыгар, саха таҥаһын көрүү, күүһү-күдэҕи тургутар күрэхтэр түһүлгэ аайы тэрилиннилэр. Улуустааҕы Олоҥхо ыһыаҕар Чулуу Олоҥхобутун үөрэтэр-сайыннарар, тарҕатар күөн туттар дьоммут М.К. Аммосов аатынан ХИФУ доктора Василий Васильевич Илларионов, СӨ Олоҥхо Ассоциациятын президенэ Февронья Васильевна Шишигина, СР Ил Дарханын стипендиата, Г.Г. Колесов аатынан бэлиэ хайааһына, СӨ Дархан оһуохайдьыта, Олоҥхо күрэхтэрин кылаан кыайыылааҕа, СӨ култууратын туйгуна Виталий Витальевич Никифоров, Олоҥхо педагогикатын үҕрэтээччи, тарҕатааччы, педагог-маастар Наталия Иннокентьевна Мордовская, олоҥхону, оһуохайы чинчийэр Варвара Валерьевна Обоюкова, Гавриил Колесов аатынан Олоҥхо Дьиэтин өр кэмҥэ салайбыт, Арктикатааҕы эпостар кииннэрин Эпическэй нэһилиэстибэ салаатын салайааччыта Иванова Евдокия Николаевна, сүрүннүүр үлэһиттэр Саргылана Саввична Адамова, Василий Валерьевич Кривошапкин, М.Н.Жирков аатынан Дьокуускайдааҕы музыкальнай колледж Г.Колесов аатынан фольклорга салаатын уһуйааччыта, СӨ култууратын туйгуна Элла Кулагиновна Соколова, биир дойдулаахтарбыт, киэн туттар кыргыттарбыт Аан дойдутааҕы Хомус түмэлин выставочнай салаатын салайааччыта, импровизатор-хомусчут Туйаара Анатольевна Жиркова, М.Н.Жирков аатынан Дьокуускайдааҕы музыкальнай колледж Г.Колесов аатынан фольклорга салаатын уһуйааччыта, СӨ үтүөлээх артыыската Варвара Степанова-Арчыына, бастыҥ олоҥхо уһуйааччылара Герасимова Мария Егоровна, Верховцева Айталина Николаевна, “Оһуохай” түмсүү салайааччыта Шипошина Мария Михайловна, Мэҥэ Хаҥалас улууһун сатабыллаах маастардара, иистэнньэҥнэр Наталия Васильевна Туманова, Анджелика Рудольфовна Степанова ыалдьыттаатылар, дьүүллүүр сүбэҕэ үлэлээтилэр. Дойдубутугар Норуоттар Сомоҕолоһууларын, Мэҥэ Хаҥалас улууһугар олохтоох бэйэ оҥорон таһаарыы, олоҥхоһут Гаврил Николаевич Ларионов –Халлаан Хабырыыс төрөөбүтэ 135 сылларыгар аналлаах «Ороссолуода нэһилиэгэ Олоҥхо Ыһыаҕын уруйдуур!» XIV төгүлүн ыытыллыбыт улуустааҕы Олоҥхо ыһыаҕын Ороссолуода үтүөкэннээх сиригэр ырыата-тойуга, омуннаах олонхото сэттэ сиргэ иһилиннэ, аҕыс сиргэ аатырда, тоҕус сиргэ дуорайда! Айта Васильева Г.Г. Колесов аатынан Олоҥхо Дьиэтин салайаччыта. „Оллоонноон олорон олоҥхото толоруох!“ олоҥхо күрэҕэ. Оҕолор: 1 үрдэл –Дмитриева Күннэй, Аллараа Бэстээх. Сэрии ветерана Михайлов Дмитрий Семенович, кэргэнэ Мария Саввична оҕолорун –сиэннэрин, Сэрии бэтэрээнэ Спиридонов Дмитрий Семенович-Сэмэн Уола бириистэрин ылла. 2 үрдэл-Айдын Жирков, Майа. Сэрии бэтэрээнэ Ильин Семен Иванович оҕолорун, сиэннэрин, „Алгыс“ аҕам саастаахтар түмсүүлэрин бириистэрин ылла. Улахан дьон. Биирдиилээн.