Һуңғы осор берәҙәк бесәй-эттәрҙең күбәйә барыуы ошо хәүефкә килтерә. Өҫтәүенә, ҡотороу ... — 3 апреля 2026 г. в 07:45:53.140
Һуңғы осор берәҙәк бесәй-эттәрҙең күбәйә барыуы ошо хәүефкә килтерә. Өҫтәүенә, ҡотороу ауырыуы йоҡторған урман кейектәре (төлкө, һеләүһен һ.б.) кешеләргә яҡынлай. Кешеләр ҙә үҙҙәренә яҡын килгән, аҙыҡты ҡулынан алған йәнлектәрҙән шикләнмәй. Былтыр Башҡортостанда ҡотороу ауырыуының ике үлемесле осрағы теркәлгән. Берәҙәк бесәй тешләүҙән Стәрлетамаҡ районында 9 йәшлек бала һәләк булған. Бала берәҙәк бесәй менән уйнап йөрөгән һәм тешләнгән. Ғаилә яра эренләй башлағас ҡына дауаханаға мөрәжәғәт иткән. "Улар ярҙам һорағанға тиклем инкубация осоро үткән, был үлемесле һөҙөмтәгә килтергән", - ти Республика йоғошло сирҙәр дауаханаһының табип-эпидемиологы Надежда Байметова. Һуңғы йылда хайуандар тешләүе һәм тырнауы тураһында шылтыратыуҙар һаны 27 процентҡа артып, 11 меңгә еткән. Бесәйҙәр һәм эттәр иң йыш һөжүм итә. Ҡотороу ауырыуы симптомдары күренеүгә еткәндән һуң сирлеләрҙең 1 процентынан да кәме иҫән ҡала. Муниципаль район биләмәһендә лә эттәрҙән тешләнеү осраҡтары теркәлеп тора. Эт хужалары үҙҙәренең йорт хайуандары өсөн тейешле шарттар булдырырға, йәмәғәт урындарында йөрөтөү ҡағиҙәләрен үтәргә һәм тирә-яҡтағыларға зыян килтереүгә юл ҡуймаҫҡа бурыслы икәнен онотмаһындар. Шулай уҡ сирҙе иҫкәртеүҙең төп сараларын хәтерегеҙгә төшөрәбеҙ. 1)Йыл һайын йорт хайуандарына: эттәргә һәм бесәйҙәргә прививка эшләргә кәрәк. 2)Ҡырағай хайуандарға (төлкөләр, ярғанаттар, тейендәр, терпеләр) яҡын барырға, уларҙы ашатырға ярамай. Балаларға ла был турала ныҡлап аңлатырға кәрәк. 3)Хайуан тырнаған йәки тешләгән осраҡта шунда уҡ медицина ярҙамы һорап мөрәжәғәт итеү мотлаҡ.