21 апрель көндө Ҡыйғы районында «Урал батыр» эпосын һөйләү, сәхнәләштереү буйынса йәш б... — 22 апреля 2026 г. в 12:53:45.440
21 апрель көндө Ҡыйғы районында «Урал батыр» эпосын һөйләү, сәхнәләштереү буйынса йәш башҡарыусыларҙың төбәк-ара конкурсының зона этабы үтте. Конкурста Балаҡатай, Ҡыйғы, Мәсетле, Дыуан, Салауат, Асҡын, Ҡариҙел райондары уҡыусылары ҡатнашты. Улар рәтендә беҙҙең мәктәп уҡыусылары ла булды. Ҡаһарманова З.Й. етәкселегендәге команда бик уңышлы сығыш яһап, призлы урындар менән ҡайттылар. Сәхәүетдинова Азалия "Урал батыр" эпосын "Яңғыҙ башҡарыусылар" номинацияһында 3 урын яулаһа, сәхнәләштереү номинацияһында командаға (Хисматуллин Марат, Шарифьянов Самирхан, Муратов Даниэль, Басырова Эмилия, Сәхәүетдинова Азалия ) 1 урын бирелде, ә Басырова Эмилия "Иң яҡшы ҡатын-ҡыҙ образы" номинацияһы еңеүсеһе тип танылды. Афариндар! Артабан да уңыштар юлдаш булһын һеҙгә! Балаларҙы әҙерләүсе Зөлфиә Йәүил ҡыҙына һәм ата-әсәләргә рәхмәтебеҙ сикһеҙ! Берҙәм булғанда ғына эш һөҙөмтәле була!