МОБУ Средняя общеобразовательная школа №40 имени Михаила Ефимовича Николаева
Образование · 24 мая 2026 г.
⚜⚜⚜⚜⚜⚜⚜⚜⚜ — 24 мая 2026 г. в 06:10:56.693
⚜⚜⚜⚜⚜⚜⚜⚜⚜ Күн таҥара сылааһын биэрбит, маӈнайгы ыһыахпыт чаҕылхайдык буолан ааста! 🌿🌿🌿🌿🌿🌿🌿🌿🌿 Сайыҥҥы бастакы угуттаах күннэри көрсө, бэс ыйын 23 күнүгэр Дьокуускай куорат М. Е. Николаев аатынан 40-с №-дээх орто оскуолабыт киэн толоонугар Маӈнайгы Оскуола Ыһыаҕа үрдүк таһымнаахтык уонна олус үөрүүлээхтик ыытылынна. Бу күн бары бииргэ төрүт үгэспитин өрө тутан, кэрэ айылҕаҕа сүргэбитин көтөхтүбүт, оҕолорбут талааннарын көрдүбүт. Ыһыах күнэ Үс Хатыӈ аттыгар ыытыллыбыт кымыс үрдэриитин сиэрин-туомун иилээн-саҕалаан, улахан алгыс түһэрилиннэ. Күн таҥараҕа, айылҕаҕа махталбытын тиэрдэн, инники айар үлэбитигэр ситиһиилэри көрдөстүбүт. Оскуолабыт директора Галина Прокопьевна Васильева толору кымыстаах чороонун өрө көтөҕөн бука бары кэлбит төрөппүттэргэ, оҕолорго уонна учууталларга ийэлии эйэҕэс эҕэрдэ тылын уунна. Алгыстаах кымыстарын кылаас салайааччылара үөрэнээччилэригэр үөрүү үктэллээх айах туттулар. Бары бииргэ, санаабытын түмэн, Оһуохайга туран айылҕабыт күүһүн ылан, инники үлэбитигэр-хамнаспытыгар ситиһиилэри баҕардыбыт. Хас биирдии кылаас түһүлгэлэринэн ас хотойорунан сандалы ньуурун толору тардан, ас маанытын аһаатылар. Оҕолорбут уонна улахан дьон сахалыы оонньууларга — ыстаҥа, хапсаҕайга, кыыс эккирэтиитигэр, быыппастар быччыннардаах аҕаларбыт мас тардыһан — бэйэлэрин кыахтарын холонон, дьулуурдарын көрдөрдүлэр. Кыайыылаахтар уонна призердар ытыс доҕуһуолунан наҕараадаланнылар. Кындыа мааны кыталык кыргыттарга Толбоннурар уһун суһуох, Кыыс Дэгиттэр, сүүрүү күрэҕэ ыытынна. Сценаҕа оҕо-аймах ырыата-тойуга, үҥкүүтэ дэлэйдик ананна. Көрөөччүлэр оҕолор кэрэ куоластарын, сытыы-хотуу үҥкүүлэрин, олонхолорун дуоһуйа көрдүлэр. Оскуолабыт талааннаах оҕолоро элбэхтэрин өссө төгүл бигэргэттилэр. Бу ыһыахха көхтөөхтүк кыттыбыт, көмөлөспүт, өйөөн-убаан кэлбит бары дьоҥҥо-сэргэҕэ, төрөппүттэргэ дириҥ махталбытын тиэрдэбит! Оскуолабыт түмсүүтүн үрдэтэн, оҕолорбутугар умнуллубат кэрэ кэми бэлэхтээтибит. Бары учууталлар, төрөппүттэр уонна оҕолорбут ааттарыттан Вильям Федорович Яковлевка, Иван Герасимович Васильевка, Михаил Николаевич Винокуровка ис сүрэхтэн барҕа махталбытын тиэрдэбит. Төрүт үгэспитин өрө тутан, кэлэр сылга эмиэ күөх илгэни көрсөргө бигэ санаабытын тиэрдэбит! #ОскуолаЫһыаҕа #СахаЫһыаҕа #КултуураСыла #СахаОонньуулара #ТөрүтҮгэс #ҮөрэхКыһата #Махтал